ສະຫະພາບເອີລົບປະກາດແຜນການ 3 ຢ່າງກ່ຽວກັບພັນທະບັດຮ່ວມຂອງເຂດໃຊ້ເງິນເອີໂຣ
(GMT+08:00) 2011-11-24 11:20:12 cri
ຕາມຂ່າວສານຊິ່ນຮວາ: ວັນທີ 23 ພະຈິກນີ້, ຄະນະກຳມະການສະຫະພາບເອີລົບໄດ້ປະກາດແຜນການ 3ຢ່າງກ່ຽວກັບພັນທະບັດຮ່ວມ ຂອງເຂດໃຊ້ເງິນເອີໂຣ, ຄື: 1 ເຂດໃຊ້ເງິນເອີໂຣຈຳໜ່າຍພັນທະບັດເອກະພາບກັນ, 17 ປະເທດສະມາຊິກສະໜອງການຮັບປະກັນຮ່ວມເພື່ອພັນທະ ບັດຮ່ວມກັນ, ແລະຢຸດການຈຳໜ່າຍພັດທະບັດຂອງຕົນ, 2 ເຂດໃຊ້ເງິນເອີໂຣຈຳໜ່າຍພັນທະບັດເປັນເອກະພາບກັນ, ລະດົມທຶນໃຫ້ປະເທດທີ່ມີໜີ້ສິນ ຫຼາຍຈຳນວນໜຶ່ງ, ປະເທດສະມາຊິກທັງໝົດສະໜອງການຮັບ ປະກັນຮ່ວມກັນແລະຈຳກັດ, ແຕ່ຍັງຈຳໜ່າຍພັນທະບັດຂອງປະເທດຕົນ, 3 ເຂດໃຊ້ເງິນເອີໂຣຈຳໜ່າຍພັນທະບັດເອກະພາບ, ທົດແທນພັນທະບັດຂອງປະເທດສະມາຊິກຈຳນວນໜຶ່ງ, ບັນດາປະເທດສະມາຊິກສະໜອງການຮັບປະກັນຕາມຈຳນວນທີ່ຖືກທົດແທນ.
ນັກວິເຄາະຊີ້ອອກວ່າ, ໃນແຜນການ 3 ຢ່າງນີ້ສຳລັບເງື່ອນໄຂຂອງການປະຕິບັດແຜນການທີໜຶ່ງແລະທີສອງແມ່ນຕ້ອງປັບປຸງ "ສົນທິສັນຍາລິສ ບົນລິສບອນ"ຂອງສະຫະພາບເອີລົບ, ນີ້ຈະແມ່ນວຽກງານທີ່ຫຍຸ້ງຍາກຫຼາຍ, ສະນັ້ນ, ຈຶ່ງບໍ່ສາມາດສຳເລັດໄດ້ໃນໄລຍະສັ້ນ, ສ່ວນແຜນການທີສາມທີ່ແມ່ນບໍ່ມີຜົນສະທ້ອນຕໍ່ກົນໄກສະຫະພາບເອີລົບໃນປະຈຸບັນຫຼາຍປານໃດ, ຈຶ່ງແມ່ນແຜນການທີ່ຜູ້ຊ່ຽວຊານຫຼາຍຄົນເຫັນດີ.
ເຂດໃຊ້ເງິນເອີໂຣແລະເຢຍລະມັນ ເຊິ່ງເປັນອົງກອນເສດຖະກິດໃຫຍ່ທີໜຶ່ງຂອງສະຫະພາບເອີລົບ ເດັດດ່ຽວຄັດຄ້ານການຈຳໜ່າຍພັນທະບັດ ຮ່ວມມາໂດຍຕະຫຼອດ, ເຫັນວ່າ, ນີ້ນອກຈາກບໍ່ມີຜົນດີຕໍ່ການແກ້ໄຂວິກິດການໜີ້ສິນແລ້ວ, ຍັງຈະເຮັດໃຫ້ຕົ້ນທຶນໃນການນລະດົມທຶນສູງຂຶ້ນ. ນາຍົກລັດຖະມົນຕີແຟັງລັງກໍ່ເຫັນວ່າ, ແຜນການ 3 ຢ່າງກ່ຽວກັບການຈຳ ໜ່າຍພັນທະບັດຮ່ວມຂອງເຂດໃຊ້ເງິນເອີໂຣທີ່ສະເໜີໂດຍສະຫະພາບເອີລົບນັ້ນລ້ວນແຕ່ມີບັນຫາ, ບໍ່ສາມາດແກ້ໄຂວິກິດການໜີ້ສິນທີ່ຫນັກຫນ່ວງຂອງເອີລົບໃນປະຈຸບັນບໍ່ໄດ້.
