ຈີນໄດ້ຮັບລາງວັນ"ອົງອາດກ້າຫານພິເສດເທິງທະເລ"7ລາຍການຈາກIMO
(GMT+08:00) 2011-11-24 16:03:58 cri
ອົງການເດີນເຮືອທາງທະເລສາກົນຫຼືIMOໄດ້ເປີດເຜີຍບັນຊີລາຍຊື່ຜູ່ໄດ້ຮັບ"ລາງວັນອົງອາດກ້າຫານພິເສດເທິງທະເລ"ປະຈຳປີ2011ຊຶ່ງຈີນໄດ້ຮັບລາງວັນ7ລາຍການ.ທ່ານລີເຊີ້ງລິນ ລັດຖະມົນຕີວ່າການກະຊວງຄົມມະນາຄົມຂົນສົ່ງຈີນທີ່ພວມເຂົ້າຮ່ວມກອງປະຊຸມໃຫຍ່ ອົງການເດີນເຮືອທາງທະເລສາກົນຫຼືIMOຄັ້ງທີ27ຢູ່ນະຄອນຫຼວງລອນດອນຂອງອັງກິດໄດ້ຕາງໜ້າລັດຖະບານຈີນຂຶ້ນຮັບລາງວັນ.
ອົງການເດີນເຮືອທາງທະເລສາກົນຫຼືIMOແມ່ນອົງການສະເພາະຂອງສະຫະປະຊາຊາດທີ່ຮັບຜິດຊອບຄວາມປອດໄພທາງທະເລ,ການຮັກສາຄວາມສະຫງົບທາງທະເລແລະປ້ອງກັນບໍ່ໃຫ້ເຮືອແລະກ່ຳປັ່ນສ້າງມົນລະພິດທາງທະເລ,ຊຶ່ງອົງການນີ້ມີສຳນັກງານໃຫຍ່ຕັ້ງຢູ່ລອນດອນ. ອົງການIMOໄດ້ຈັດຕັ້ງການປະກວດແລະມອບ"ລາງວັນອົງອາດກ້າຫານພິເສດເທິງທະເລ"ເລີ່ມແຕ່ປີ2007ເປັນຕົ້ນມາ,ຊຶ່ງມີຈຸດປະສົງເພື່ອຍ້ອງຍໍບຸກຄົນຫຼືໝູ່ຄະນະທີ່ມີການກະທຳແບບກ້າຫານເປັນພິເສດຊຶ່ງສະແດງໃຫ້ເຫັນເຖິງນ້ຳໃຈເສຍສະຫຼະໃນການເຄື່ອນໄຫວກູ້ຊີວິດຄົນເທີງທະເລແລະການປ້ອງກັນບໍ່ໃຫ້ເກີດອຸບັດຕິເຫດມົນລະພິດທາງທະເລຢ່າງຂະໜາດໃຫຍ່ໃນ1ປີຜ່ານມາ.
