ຂ່າວສານຊິນຮວາເປີດເຜີຍບົດຄວາມໂດຍຂຽນວ່າເຫດການທີ່ພະສົງສາມະເນນເຂດເຜົ່າຕິເບດຂອງແຂວງເສສວນຈູດໄຟເຜົາຕົນເອງແມ່ນກົນອຸບາຍທາງການເມືອງຂອງຄົນທີ່ເຈດຕະນາຢາກບັນລຸຄວາມເປັນເອກກະລາດຂອງຕິເບດ
(GMT+08:00) 2011-11-24 18:37:38 cri
ຂ່າວສານຊິນຮວາໄດ້ລົງພິມບົດຄວາມໃນວັນທີ24ພະຈິກນີ້ໂດຍຊີ້ອອກວ່າ, ເຫດການທີ່ພະສົງສາມະເນນຈູດໄຟເຜົາຕົນເອງຫຼາຍຄັ້ງທີ່ເກີດຂຶ້ນຢູ່ເຂດເຜົ່າຕິເບດແຂວງເສສວນໃນຫວ່າງມໍ່ໆນີ້ແມ່ນກົນອຸບາຍທາງການເມືອງຂອງຄົນທີ່ມີເຈດຕະນາຢາກແບ່ງແຍກດິນແດນຂອງຈີນ,ຢາກບັນລຸຄວາມໄຝ່ຝັນທີ່ໃຫ້ຕິເບດເປັນເອກະລາດ.
ບົດຄວາມຂຽນວ່າ,ອິດທິກຳລັງແບ່ງແຍກບໍ່ເອົາຫົວຊານຳຊີວິດຂອງຊາວໜຸ່ມ,ຈຸດປະສົງແມ່ນມີເຈດຕະນາຢາກເຮັດໃຫ້ຫາງສຽງໂລກສົນໃຈນຳ,ຊຸກຍູ້ໃຫ້ບັນຫາຕິເບດເປັນບັນຫາສາກົນ.ພ້ອມທັງໂຈມຕີແລະໃສ່ຮ້າຍປ້າຍສີນະໂຍບາຍຊົນເຜົ່າ,ສາສະໜາແລະຕິເບດຂອງລັດຖະບານຈີນ,ສ້າງຂໍ້ອ້າງອີງໃຫ້ຕິເບດເປັນເອກກະລາດ.
ບົດຄວາມຂຽນວ່າ,ເວົ້າສຳລັບພຸດທະສາສະໜານິກາຍຕິເບດແລ້ວ,ຖ້າບໍ່ສະກັດກັ້ນຢ່າງເຂັ້ມງວດຕໍ່ການກະທຳຮຸນແຮງດ້ວຍການຈູດໄຟເຜົາຕົນເອງຄືແນວນີ້ກໍ່ມັກຈະກາຍເປັນລັດທິຫົວຮຸນແຮງທາງສາສະໜາແລະຖືກອິດທິກຳລັງແບ່ງແຍກດິນແດນຂອງກຸ່ມດາໄລລາມະບັນຊາຄວບຄຸມແລະນຳໃຊ້ຕໍ່ໄປ,ມັນບໍ່ພຽງແຕ່ຈະທຳລາຍພາບພົດຂອງພຸດທະສາສະໜານິກາຍຕິເບດແລະເຮັດໃຫ້ປະຊາຊົນມີຄວາມເຂົ້າໃຈຜິດຕໍ່ພຸດທະສາສະໜານິກາຍຕິເບດເທົ່ານັ້ນ,ຍັງຈະລົບກວນພຸດທະສາສະໜານິກາຍຕິເບດໃນການສ້າງຕັ້ງລະບຽບການປົກກະຕິທີ່ສອດຄ່ອງກັບລະບອບສັງຄົມທີ່ປະຕິບັດໃນປະຈຸບັນ,ແລະກໍ່ຈະສ້າງຄວາມສັບສົນວຸ້ນວາຍທາງແນວຄິດໃຫ້ແກ່ພະສົງສາມະເນນຈຳນວນໜຶ່ງແລະແນ່ນອນຈະເປັນສິ່ງກີດຂວາງການພັດທະນາຕາມປົກກະຕິຂອງພຸດທະສາສະໜານິກາຍຕິເບດ.
ບົດຄວາມຂຽນວ່າ,ຕ້ອງເຜີຍແບທາດແທ້ຂອງການກໍ່ອາຊະຍາກຳດ້ວຍຄວາມຮຸນແຮງໂດຍຖືສາສະໜາເປັນສິ່ງບັງໜ້ານັ້ນຢ່າງເຖິງຖອງ,ຮູ້ແຈ້ງເຫັນຈິງຕໍ່ທາດແທ້ຄວາມເປັນຈິງຂອງອິດທິກຳລັງແບ່ງແຍກດິນແດນໃນເຫດການຄັ້ງນີ້ທີ່ມີເຈດຕະນາຢາກສ້າງຄວາມບໍ່ສະຫງົບຢູ່ເຂດູຕິເບດແລະເຂດເຜົ່າຕິເບດແຫ່ງອື່ນໆເພື່ອບັນລຸກົນອຸບາຍທີ່ຢາກເຮັດໃຫ້ຕິເບດເປັນເອກກະລາດ.
