ເລຂາທິການໃຫຍ່ອາຊຽນຍ້ອງຍໍອິນໂດເນເຊຍໄດ້ເສີມຂະຫຍາຍບົດບາດອັນຕັ້ງໜ້າໃນບັນດາກອງປະຊຸມສຸດຍອດອາຊຽນ
(GMT+08:00) 2011-11-24 18:32:10 cri
ຕາມຂ່າວຈາກໜັງສືພິມສາກົນລາຍວັນຂອງອິນໂດເນເຊຍ: ວັນທີ22ພະຈິກນີ້,ຢູ່ສຳນັກເລຂາທິການອາຊຽນທີ່ຕັ້ງຢູ່ນະຄອນຫຼວງຈາກາຕາຂອງອິນໂດເນເຊຍ,ໃນເວລາແຈ້ງຜົນສຳເລັດຂອງບັນດາກອງປະຊຸມສຸດຍອດອາຊຽນທີ່ຈັດຂຶ້ນຢູ່ເກາະບາຫຼີຂອງອິນໂດເນເຊຍໃນອາທິດທີ່ຜ່ານມາຕໍ່ບັນດາເຈົ້າໜ້າທີ່ການທູດຂອງປະເທດຕ່າງໆ,ທ່ານສຸລິນ ພິດຊຸວັນ, ເລຂາທິການໃຫຍ່ອາຊຽນໄດ້ຕີລາຄາຢ່າງເຕັມສ່ວນຕໍ່ອິນໂດເນເຊຍທີ່ເປັນປະເທດປະທານໝູນວຽນຂອງອາຊຽນໄດ້ເສີມຂະຫຍາຍບົດບາດອັນຕັ້ງໜ້າ.
ທ່ານສຸລິນ ພິດສຸວັນກ່າວວ່າ,ກອງປະຊຸມສຸດຍອດອາຊຽນຄັ້ງທີ19ໄດ້ຮັບຮອງຜ່ານ "ຖະແຫຼງການວ່າດ້ວຍສັນຍາບາຫຼີສະບັບທີ3",ໄດ້ຈັດວາງທິດການພັດທະນາໃຫ້ແກ່ອາຊຽນໃນຖານະເປັນອົງການພາກພື້ນໃນການຍົກສູງຖານະຂອງຕົນໃນວຽກງານສາກົນ . ນອກນີ້, ອາຊຽນຍັງໄດ້ມີຄວາມເຫັນເປັນເອກະສັນກັນກັບ5ປະເທດນິວເຄຼຍກ່ຽວກັບການແກ້ໄຂບັນຫາຄົງຄ້າງທັງໝົດໃນອະນຸສັນຍາຂອງ"ສັນຍາວ່າດ້ວຍເຂດປອດອາວຸດນິວເຄຼຍຢູ່ອາຊີຕາເວັນອອກສຽງໃຕ້".
ທ່ານສຸລິນ ພິດສຸວັນກ່າວວ່າ,ບົດບາດຂອງອິນໂດເນເຊຍໃນຖານະເປັນປະເທດປະທານໝູນວຽນຂອງອາຊຽນແມ່ນເໝາະສົມ,ເພາະວ່າອິນໂດເນເຊຍແມ່ນປະເທດອາຊຽນປະເທດດຽວໃນກຸ່ມ20ປະເທດ,ອິນໂດເນເຊຍມີຄວາມສຳຄັນຫຼາຍໃນດ້ານການຕ່າງປະເທດ,ກໍ່ໄດ້ເສີມຂະຫຍາຍບົດບາດອັນສຳຄັນໃນການໄກ່ເກ່ຍຂໍ້ຂັດແຍ່ງລະຫວ່າງຊາດ.
