ກະຊວງການຕ່າງປະເທດອາເມລິກາກ່າວວ່າ,ຈະຍຶດໝັ້ນນະໂຍບາຍທີ່ດຳເນີນການສຳ ຜັດຢ່າງມີຫຼັກການແລະການສົນທະນາໂດຍກົງກັບມຽນມາ
(GMT+08:00) 2011-11-24 16:09:12 cri
ຕາມຂ່າວສານຈີນ:ວັນທີ23ພະຈິກນີ້,ກະຊວງການຕ່າງປະເທດອາເມລິກາກ່າວວ່າ,ອາເມລິກາຈະຍຶດໝັ້ນນະໂຍບາຍທີ່ດຳເນີນການພົວພັນຢ່າງມີຫຼັກການແລະການສົນທະນາ ໂດຍກົງກັບມຽນມາ.
ໃນວັນທີ23ພະຈິກນີ້,ກະຊວງການຕ່າງປະເທດອາເມລິກາອອກຖະແຫຼງການສະບັບໜຶ່ງໂດຍກ່າວວ່າ,ທ່ານນາງຮີວລາຣີ ຄຼິນຕັນ,ລັດຖະມົນຕີວ່າການກະຊວງການຕ່າງປະເທດອາເມລິກາຈະຢ້ຽມຢາມມຽນມາເປັນຄັ້ງປະຫວັດສາດແຕ່ວັນທີ30ພະຈິກຫາວັນທີ2ທັນວາ ໜ້ານີ້.ທ່ານນາງຮີວລາຣີຈະແມ່ນລັດຖະມົນຕີວ່າການກະຊວງການຕ່າງປະເທດອາເມລິກາຜູ່ທຳອິດທີ່ໄປຢ້ຽມຢາມມຽນມາໃນຮອບ50ກວ່າປີມານີ້.
ຖະແຫຼງການຂຽນວ່າ,ໃນໄລຍະຢ້ຽມຢາມມຽນມາ,ທ່ານນາງຮີວລາຣີຈະເນັ້ນໜັກຕໍ່ຜູ່ນຳມຽນມາວ່າ ອາເມລິກາສະໜັບສະໜູນການປະຕິຮູບທີ່ມຽນມາໄດ້ດຳເນີນມາເປັນເວລາຫຼາຍເດືອນມາແລ້ວນັ້ນ,ແລະປຶກສາຫາລືກັບຜູ່ນຳມຽນມາກ່ຽວກັບການເຮັດແນວໃດລົງເລິກການປະຕິຮູບໃນຂົງເຂດຂໍກະແຈຂອງມຽນມາແລະເຮັດໃຫ້ຄວາມຄືບໜ້າທີ່ໄດ້ຮັບນັ້ນໝັ້ນໜຽວ.ນອກຈາກນັ້ນ,ທ່ານນາງຮີວລາຣີຍັງຈະພົບກັບບຸກຄົນໃນວົງການຕ່າງໆຂອງມຽນມາຢ່າງກວ້າງຂວາງ,ພົບກັບຜູ່ນຳຂອງອົງການທີ່ບໍ່ສັງກັດລັດຖະບານແລະຊົນເຜົ່າສ່ວນໜ້ອຍ,ເພື່ອຮັບຟັງຄວາມເຫັນຂອງເຂົາເຈົ້າທີ່ມີຕໍ່ການພັດທະນາແຫ່ງຊາດ.ແຕ່ຖະແຫຼງການບໍ່ໄດ້ເປີດເຜີຍວ່າ,ນາງຮີວລາຣີຈະພົບກັບທ່ານນາງອອງຊານຊູຈີ,ປະທານສະຫະພັນປະຊາທິປະໄຕແຫ່ງຊາດຂອງມຽນມາຫຼືບໍ່.ໃນວັນທີ17ພະຈິກແລ້ວນີ້,ທ່ານບາຣັກ ໂອບາມາ,ປະທານາທິບໍດີອາເມລິກາລົມກັບທ່ານນາງອອງຊານຊູຈີຜ່ານທາງໂທລະສັບເປັນເທື່ອທຳອິດ.
