ການປະທ້ວງຢູ່ເອຢິບຍັງດຳເນີນຕໍ່ມາ,ການປະທະກັນໄດ້ເຮັດໃຫ້32ຄົນເສຍຊີວິດ
(GMT+08:00) 2011-11-24 16:13:52 cri
ຕາມຂ່າວCRI:ວັນທີ23ພະຈິກນີ້,ກະຊວງສາທາລະນະສຸກເອຢິບກ່າວວ່າ,ການປະທະກັນ ຍ້ອນການປະທ້ວງທີ່ເກີດຂຶ້ນແຕ່ວັນທີ18ພະຈິກມານີ້ຢູ່ຕາມແຫ່ງຕ່າງໆຂອງເອຢິບ,ຄື:ນະຄອນຫຼວງເລີແກເປັນຕົ້ນຍັງດຳເນີນຕໍ່ມາ,ປະຈຸບັນນີ້ໄດ້ເຮັດໃຫ້ມີຜູ່ເສຍຊີວິດ32ຄົນແລະບາດເຈັບຫຼາຍກວ່າ2ພັນຄົນ.
ໂຄສົກຂອງກະຊວງສາທາລະນະສຸກກ່າວວ່າ,ຜູ່ເສຍຊີວິດສ່ວນຫຼາຍແມ່ນຄົນເລີແກ.ຂ່າວ ສານທາງການຂອງເອຢິບລາຍງານວ່າ,ການປະທະກັນໄດ້ເຮັດໃຫ້ຕຳຫຼວດແລະທະຫານ ໄດ້ຮັບບາດເຈັບ180ຄົນ.ວັນທີ23ພະຈິກນີ້,ຍັງມີຜູ່ປະທ້ວງໝື່ນກວ່າຄົນເຕົ້າໂຮມກັນຢູ່ສະໜາມຫຼວງປົດປ່ອຍທີ່ໃຈກາງນະຄອນຫຼວງເລີແກ,ເພື່ອຮຽກຮ້ອງໃຫ້ຄະນະກຳມະກາສູງສຸດຂອງກອງທັບເອຢິບ ມອບອຳນາດໃຫ້ແກ່ປະຊາຊົນໃນທັນທີ.ການປະທະກັນລະຫວ່າງຜູ່ປະທ້ວງກັບທະຫານຮັກສາຄວາມປອດໄພຂອງສຳນັກງານກະຊວງພາຍໃນຂອງເອຢິບນັບມື້ນັບຮຸນແຮງຂຶ້ນຕື່ມ.