ລັດຖະມົນຕີຊ່ວຍວ່າການກະຊວງການຕ່າງປະເທດຈີນເຂົ້າຮ່ວມກອງປະຊຸມປຶກສາຫາລືສະຖານະການຕາເວັນອອກກາງຂອງປະເທດBRICS
(GMT+08:00) 2011-11-25 16:38:54 cri
ກອງປະຊຸມປຶກສາຫາລືລະດັບລັດຖະມົນຕີຊ່ວຍວ່າການກະຊວງການຕ່າງປະເທດຂອງປະເທດເບຼຊີນ ຣັດເຊຍ,ອິນເດຍ,ຈີນແລະອາຟິຼກກາໃຕ້ຫຼື BRICSກ່ຽວກັບສະຖານະການຕາເວັນອອກກາງໄດ້ຈັດຂຶ້ນໃນວັນທີ24ພະຈິກນີ້ຢູ່ນະຄອນຫຼວງມົສກູຂອງຣັດເຊຍ.ທ່ານຈາຍຈຸ້ນ ລັດຖະມົນຕີຊ່ວຍວ່າການກະຊວງການຕ່າງປະເທດຈີນພ້ອມດ້ວຍຜູ່ຕາງໜ້າຂອງຣັດເຊຍ,ອິນເດຍ,ເບຼຊີນແລະອາຟິຼກກາໃຕ້ຕ່າງໄດ້ນຳພາຄະນະຜູ່ແທນຂອງປະເທດຕົນເຂົ້າຮ່ວມກອງປະຊຸມ.
ວັນທີ24ພະຈິກນີ້, ກອງປະຊຸມໄດ້ອອກຖະແຫຼງການຮ່ວມໂດຍຮຽກຮ້ອງໃຫ້ຝ່າຍຕ່າງໆເຄົາລົບຄວາມເປັນເອກະລາດຂອງອຳນາດອະທິປະໄຕແລະຜືນແຜ່ນດິນອັນຄົບຖ້ວນຂອງປະເທດຕ່າງໆໃນພາກພື້ນຕາເວັນອອກກາງ,ດຳເນີນການສົນທະນາຢ່າງກວ້າງຂວາງດ້ວຍສັນຕິວິທີ,ຕັ້ງໜ້າຊອກຫາວິທີແກ້ໄຂວິກິດການ.ຖະແຫຼງການຍັງແຈ້ງວ່າ,5ປະເທດBRICSຄັດຄ້ານອິດທິກຳລັງພາຍນອກເຂົ້າແຊກແຊງວຽກງານພາຍໃນຂອງບັນດາປະເທດໃນພາກພື້ນຕາເວັນອອກກາງ,ມີຈຸດຢືນໃຫ້ສະພາຄວາມໝັ້ນຄົງສະຫະປະຊາຊາດເສີມຂະຫຍາຍບົດບາດອັນຕັ້ງໜ້າ.5ປະເທດBRICSຈະປະກອບສ່ວນຢ່າງຕັ້ງໜ້າເພື່ອສະຖຽນລະພາບ,ສັນຕິພາບແລະການພັດທະນາຂອງພາກພື້ນ.
