ອະດີດນາຍົກລັດຖະມົນຕີເອຢິບເຫັນດີໃນເບື້ອງຕົ້ນຮັບຜິດຊອບຈັດຕັ້ງລັດຖະບານຊຸດໃໝ່
(GMT+08:00) 2011-11-25 15:56:57 cri
ວັນທີ24ພະຈິກນີ້, ບຸກຄົນກອງທັບເອຢິບເຜີຍໃຫ້ຮູ້ວ່າ, ທ່ານຄາມານ ອານ ກັນຊູຣີ, ອະດີດນາຍົກລັດຖະມົນຕີເອຢິບໄດ້ເຫັນດີໃນເບື້ອງຕົ້ນຮັບເອົາການມອບໝາຍຂອງກອງທັບ,ຮັບຜິດຊອບໃນການຈັດຕັ້ງລັດຖະບານຊຸດໃໝ່. ແຕ່ກອງທັບຍັງບໍ່ໄດ້ມີການແຕ່ງຕັ້ງຢ່າງເປັນທາງການ.
ມື້ດຽວກັນ,ການປະທ້ວງຍັງສືບຕໍ່ດຳເນີນຢູ່ສະໜາມຫຼວງປົດປ່ອຍຂອງນະຄອນຫຼວງເລີແກ,ແຕ່ຈຳນວນຜູ້ເຂົ້າຮ່ວມການປະທ້ວງໄດ້ຫຼຸດລົງ,ຕຳຫຼວດກໍ່ບໍ່ໄດ້ປະທະກັນກັບຜູ້ປະທ້ວງ.
ເນື່ອງຈາກວ່າຢູ່ເອຢິບມີການປະທະກັນລະຫວ່າງຕຳຫຼວດກັບກຸ່ມຜູ້ປະທ້ວງຢ່າງຕໍ່ເນື່ອງໃນຫວ່າງມໍ່ໆມານີ້,ວັນທີ20ພະຈິກນີ້, ຄະນະລັດຖະບານເອຢິບທີ່ນຳພາໂດຍທ່ານອິສຊຳ ຊາຣາຟ,ນາຍົກລັດຖະມົນຕີເອຢິບໄດ້ຍື່ນໃບລາອອກຈາກຕຳແໜ່ງໄປຍັງກອງທັບ. ວັນທີ22ພະຈິກນີ້, ທ່ານໂມຮາເໝັດ ຮຸດເຊັນ ຕານຕາວີ, ປະທານຄະນະກຳມະການສູງສຸດຂອງກອງທັບໄດ້ປະກາດຮັບເອົາໃບລາອອກຈາກຕຳແໜ່ງຂອງຄະນະລັດຖະບານ,ແລະຈະຈັດຕັ້ງລັດຖະບານກອບກູ້ຊາດ,ແລະຈັດການເລືອກຕັ້ງປະທານາທິບໍດີກ່ອນວັນທີ30ມິຖຸນາ2012.
