ຜູ້ອຳນວຍການຂອງໂຮງຮຽນທີ່ສອນພາສາຈີນຂອງມະເລເຊຍເກືອບ 100ຄົນໄປຝຶກອົບຮົມຢູ່ແຂວງເສສວນຂອງຈີນ
(GMT+08:00) 2011-11-25 16:05:28 cri
ຕາມຂ່າວສານຈີນ: ວັນທີ24ພະຈິກນີ້, ພິທີເປີດຫ້ອງຝຶກອົບຮົມຍົກລະດັບຜູ້ອຳນວຍການໂຮງຮຽນທີ່ສອນພາສາຈີນຂອງມະເລເຊຍປີ2011ໄດ້ຈັດຂຶ້ນຢູ່ມະຫາວິທະຍາໄລເສສວນຂອງຈີນ. ຜູ້ອຳນວຍການ,ຄູອາຈານຂອງໂຮງຮຽນມັດທະຍົມແລະໂຮງຮຽນປະຖົມທີ່ສອນພາສາຈີນຂອງມະເລເຊຍທັງໝົດ93ຄົນໄດ້ເຂົ້າຮ່ວມຫຼັກສູດຝຶກອົບຮົມແລະກິດຈະກຳແລກປ່ຽນຊຶ່ງຈະດຳເນີນເປັນເວລາ16ວັນ.
ເຈົ້າໜ້າທີ່ການສຶກສາຂອງມະເລເຊຍກ່າວວ່າ,ນັບແຕ່ມີການປະຕິຮູບແລະໄຂປະຕູສູ່ພາຍນອກເປັນຕົ້ນມາ,ການສຶກສາດ້ານພື້ນຖານຂອງຈີນໄດ້ພັດທະນາຢ່າງວ່ອງໄວ. ຈຸດປະສົງຂອງການເຂົ້າຮ່ວມການຝຶກອົບຮົມເທື່ອນີ້ແມ່ນເພື່ອຖອດຖອນບົດຮຽນທີ່ດີຈາກຜົນສຳເລັດໃນການປະຕິຮູບການສຶກສາດ້ານພື້ນຖານ,ຍົກສູງລະດັບການຄຸ້ມຄອງໃຫ້ຜູ້ອຳນວຍການໂຮງຮຽນຂອງມະເລເຊຍ,ຊຸກຍູ້ການແລກປ່ຽນຊຶ່ງກັນແລະກັນລະຫວ່າງຜູ້ອຳນວຍການໂຮງຮຽນແລະຄູອາຈານຂອງສອງປະເທດ.
