ສັນນິບາດປະເທດອາຣັບຮຽກຮ້ອງໃຫ້ລັດຖະບານຊີລີເຊັນສັນຍາການສົ່ງຄະນະຜູ້ສັງເກດການໃນ48ຊົ່ວໂມງ
(GMT+08:00) 2011-11-25 11:44:38 cri
ຕາມຂ່າວCRI: ວັນທີ24ພະຈິກນີ້, ສັນນິບາດປະເທດອາຣັບໄດ້ປະກາດຫຼັງຈາກກອງປະຊຸມລະດັບລັດຖະມົນຕີວ່າ, ຈະໃຫ້ເວລາ2ມື້ແກ່ລັດຖະບານຊີລີເພື່ອລົງລາຍເຊັນໃນສັນຍາກ່ຽວກັບການອະນຸຍາດໃຫ້ ສັນນິບາດປະເທດອາຣັບສົ່ງຄະນະຜູ້ສັງເກດການໄປຊີລີທີ່ສັນນິບາດປະເທດອາຣັບໄດ້ສະເໜີອອກໃນວັນທີ16ພະຈິກນີ້.
ກອງປະຊຸມໄດ້ຕົງລົງວ່າ, ຫຼັງຈາກເຊັນສັນຍາແລ້ວສັນນິບາດອາຣັບຈະສົ່ງຄະນະຜູ້ສັງເກດການເຂົ້າສູ່ຊີລີໃນທັນທີ, ເພື່ອເຮັດສຳເລັດໜ້າທີ່ທີ່ໄດ້ກຳນົດໃນສັນຍາ. ຖ້າວ່າລັດຖະບານຊີລີບໍ່ຍິນຍອມລົງລາຍເຊັນໃນສັນຍາຕາມເວລາກຳນົດ, ສັນນິບາດປະເທດອາຣັບຈະພິຈາລະນາໃຫ້ການລົງໂທດດ້ານເສດຖະກິດແກ່ຊີລີ.
ໃນຕອນເຊົ້າວັນທີ24ພະຈິກນີ້, ເລຂາທິການໃຫຍ່ ສັນນິບາດປະເທດອາຣັບໄດ້ຮັບຈົດໝາຍຈາກລັດຖະມົນຕີວ່າການກະຊວງການຕ່າງປະເທດຊີລີ, ເນື້ອໃນຈົດໝາຍຂຽນວ່າລັດຖະບານຊີລີເຫັນດີນຳຮ່າງແຜນການສັນຍາກ່ຽວກັບການສົ່ງຄະນະສັງເກດການໄປຊີຮີ. ແຕ່ເວລາຕໍ່ມາລັດຖະບານຊີລີໄດ້ສົ່ງຈົດໝາຍໄປຍັງຄະນະກຳມະການລະດັບລັດຖະມົນຕີຂອງສັນນິບາດປະເທດອາຣັບ, ກ່າວວ່າລັດຖະບານຊີລີຈະບໍ່ສົ່ງຜູ້ຕາງໜ້າໄປເຊັນສັນຍາຢູ່ນະຄອນຫຼວງເລີແກຂອງເອຢິບເປັນຊົ່ວຄາວ.
