ສະຫະພາບເອີຣົບເຕືອນວ່າ,ວິກິດການໜີ້ສິນພາກລັດພວມແຜ່ຂະຫຍາຍໄປສູ່ປະເທດໃຈກາງຂອງເຂດໃຊ້ເງິນເອີໂຣ
(GMT+08:00) 2011-11-25 14:37:28 cri
ວັນທີ24ພະຈິກນີ້,ໃນເວທີປຶກສາຫາລືປະທານາທິບໍດີທີ່ຈັດຂຶ້ນຢູ່ແຮນຊີງກີຂອງແຟງລັງ, ທ່ານໂອລີ ເຣນ,ກຳມະການຜູ່ຮັບຜິດຊອບວຽກງານເສດຖະກິດແລະເງິນຕາຂອງຄະນະກຳມະການສະຫະພາບເອີຣົບກ່າວເຕືອນວ່າ,ວິກິດການໜີ້ສິນພາກລັດໄດ້ປະກົດມີໄພອັນຕະລາຍທີ່ຈະແຜ່ຂະຫຍາຍໄປສູ່ອົງກອນເສດຖະກິດທີ່ປອດໃສຢູ່ເຂດໃຊ້ເງິນເອີໂຣ.
ທ່ານເຣນກ່າວວ່າ,ມີສອງເສັ້ນທາງຢູ່ຕໍ່ໜ້າ,ຄືໜຶ່ງແມ່ນເຂດໃຊ້ເງິນເອີໂຣລົ້ມລະ ລາຍ,ສອງແມ່ນເຂດໃຊ້ເງິນເອີໂຣຈະໄດ້ຮັບການເພີ່ມທະວີຕື່ມອີກ.ທ່ານຮຽກຮ້ອງໃຫ້ປະເທດເຂດໃຊ້ເງິນເອີໂຣເລັ່ງລັດທຳການຕັດສິນໃຈ,ເພື່ອແກ້ໄຂວິກິດການໜີ້ສິນພາກລັດຂອງເຂດໃຊ້ເງິນເອີໂຣ.
ໃນມື້ດຽວກັນ,ຜູ່ນຳຂອງຝະຣັ່ງ,ເຢຍລະມັນ,ອີຕາລີ,ຈັດກອງປະຊຸມສຸດຍອດຂະໜາດນ້ອຍກ່ຽວກັບວິກິດການໜີ້ສິນພາກລັດຂອງເຂດໃຊ້ເງິນເອີໂຣຢູ່ສຕຼາສ໌ບວກຂອງຝະຣັງ.ພາຍຫຼັງກອງປະຊຸມ,ຜູ່ນຳສາມປະເທດນີ້ໄດ້ກ່າວຕັດສິນໃຈວ່າຈະອອກແຮງຮັບປະກັນໃຫ້ເງິນເອີໂຣຖາວອນໝັ້ນຍືນ.
