ວັນທີ25 ພະຈິກນີ້, ຢູ່ນະຄອນຫຼວງວຽນຂອງໂອຕຼິສ,ທ່ານຢູຈ້ຽນຮວາ ຜູ່ຊ່ອຍລັດຖະມົນຕີວ່າການກະຊວງການຄ້າຈີນກ່າວວ່າ,ຈີນຈະສະໜັນສະໜູນການພັດທະນາເສດຖະກິດຂອງປະເທດດ້ອຍພັດທະນາກຕື່ມອີກໂດຍຜ່ານມາດຕະການຕ່າງໆຄືການຫຼຸດພາສີເປັນຕົ້ນ.
ທ່ານຢູຈ້ຽນຮວາກ່າວວ່າ, ໃນເວລາຍາວນານມານີ້,ພາຍໃຕ້ການຮ່ວມມືໃຕ້ໃຕ້,ໂດຍຜ່ານວິທີຕ່າງໆເຊັ່ນ:ການສະໜອງການຊ່ອຍເຫຼືອທາງເສດຖະກິດແລະເຕັກນິກ,ຫຼຸດແລະຍົກເວັ້ນພາສີ,ອົບຮົມພະນັກງານໃຫ້ປະເທດດ້ອຍພັດທະນາແລະເພີ່ມການນຳເຂົ້າ,ລັດຖະບານຈີນໄດ້ຕັ້ງໜ້າຊ່ອຍເຫຼືອການພັດທະນາເສດຖະກິດຂອງປະເທດເຫຼົ່ານີ້. ນັບແຕ່ປີ2008ເປັນຕົ້ນມາ,ຈີນແມ່ນຕະຫຼາດສົ່ງອອກໃຫຍ່ກວ່າໝູ່ຂອງປະເທດດ້ອຍພັດທະນາຕະຫຼອດມາ.
ທ່ານຢູຈ້ຽນຮວາກ່າວວ່າ:ໃນດ້ານການຈັດຕັ້ງປະຕິບັດ"ໂຄງການດຳເນີນງານອີສຕານບຸນທີ່ສະໜັບສະໜູນການພັດທະນາເສດຖະກິດຂອງປະເທດດ້ອຍພັດທະນາ, ຈີນຈະໃຊ້ມາດຕະການຈຸດສຸມດັ່ງນີ້ຄື:ຍົກເວັ້ນພາສີອາກອນໃຫ້ຜະລິດຕະພັນ97%ຂອງປະເທດດ້ອຍພັດທະນາທີ່ໄດ້ສ້າງຕັ້ງສາຍພົວພັນການທູດກັບຈີນ;ດຳເນີນການຮ່ວມມືໃນການສ້າງໂຄງການກ່ຽວກັບຊີວິການເປັນຢູ່ຂອງປະຊາຊົນຫຼາຍກວ່າເກົ່າຄືໂຮງໝໍ,ໂຮງຮຽນ,ນ້ຳໃຊ້ໃນຊີວິດການເປັນຢູ່,ຊັບພະລັງງານສະອາດເປັນຕົ້ນ;ເພີ່ມທະວີການອົບຮົມຜູ່ມີຄວາມຮູ້ຄວາມສາມາດຂອງປະເທດດ້ອຍພັດທະນາ,ເພີ່ມທະວີຄວາມສາມາດພັດທະນາໂດຍຕົນເອງຂອງປະເທດເຫຼົ່ານີ້;ສືບຕໍ່ຊຸກຍູ້ເສດຖະກິດຈີນສ້າງເຂດຮ່ວມມືໃຫ້ວິສາຫະກິດກາຄ້າຢູ່ປະເທດດ້ອຍພັດທະນາແລະອື່ນໆ.
