ວັນທີ25 ພະຈິກນີ້, ໃນກອງປະຊຸມຂ່າວປະຈຳຢູ່ປັກກິ່ງ, ທ່ານລິວເວິຍມິນ ໂຄສົກກະຊວງການຕ່າງປະເທດຈີນກ່າວວ່າ, ຈີນເຫັນວ່າ,ບັນຫາຊີຣີຄວນແກ້ໄຂພາຍໃນຂອບຂອງສັນນິບາດອາລັບ,ນີ້ແມ່ນທາງອອກທີ່ແທດເໝາະກັບຕົວຈິງແລະປະຕິບັດໄດ້,ສອດຄ່ອງກັບຜົນປະໂຫຍດຮ່ວມຂອງຊີຣີ,ປະເທດອາລັບແລະປະຊາຄົມໂລກ.
ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ,ທ່ານລິວເວິຍມິນກ່າວວ່າ,ຝ່າຍຈີນເອົາໃຈໃສ່ຢ່າງສູງຕໍ່ສະພາບການຂອງຊີຣີໃນປັດຈຸບັນ,ຫວັງວ່າສັນນິບາດອາລັບກັບຊີຣີຈົ່ງເລີ່ມຈາກສະພາບລວມທີ່ຮັກສາຜົນປະໂຫຍດພື້ມຖານຂອງປະຊາຊົນຊີຣີແລະສັນຕິພາບແລະສະຖຽນລະພາບຂອງຕາເວັນອອກກາງ,ເພີ່ມທະວີການທຳຄວາມເຂົ້າໃຈກັນແລະປະສານງານກັນເພື່ອສິ້ນສຸດວິກິດການຊີຣີ,ແກ້ໄຂບັນຫາທີ່ກ່ຽວຂ້ອງຢ່າງເໝາະສົມ.ທ່ານລິວເວິຍມິນກ່າວວ່າ, ຈີນຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງຂອງຊີຣີຈົ່ງຢຸດຕິດການໃຊ້ຄວາມຮຸງແຮງໃນທັນທີ, ເລີ່ມຂະບວນວິວັດການເມືອງທີ່ປານີປານອມໂດຍໄວ,ຊຸກຍູ້ສະພາບການນັບມື້ນັບຜ່ອນຄາຍລົງ.ປະຊາຄົມໂລກຄວນໃຫ້ການຊ່ອຍເຫຼືອທີ່ມີລັກສະນະສ້າງສັນເພື່ອເລື່ອງນີ້.
