ວັນທີ25 ພະຈິກນີ້, ກະຊວງການຄ້າຈີນອອກປະກາດແຈ້ງການວ່າ, ຈະດຳເນີນການສຳຫຼອດດ້ານກຳແພງການຄ້າຕໍ່ນະໂຍບາຍສະໜັບສະໜູນແລະມາດຕະການອຸດໜູນພະລັງງານທົດແທນຂອງອາເມລິກາຕາມກົດໝາຍ.
ປະກາດແຈ້ງການກ່າວວ່າ,ການສຳຫຼວດເທື່ອນີ້ແມ່ນຈັດຂຶ້ນຕາມການຮ້ອງຂໍຈາກສະມາຄົມຂາເຂົ້າຂາອອກຜະລິດຕະພັນກົນຈັກແລະເຄື່ອງເອເລັກໂຕຼນິກຈີນແລະສະພາການຄ້າພະລັງງານໃໝ່ຂອງສະຫະພັນອຸດສາຫະກຳການຄ້າທົ່ວປະເທດຈີນ. ຜູ່ຮ້ອງຂໍດັ່ງກ່າວຊີ້ອອກວ່າ,ລັດຖະບານອາເມລິກາສະໜອງນະໂຍບາຍສະໜັບສະໜູນແລະມາດຕະການອຸດໜູນຂະແໜງການພະລັງງານທົດແທນພາຍໃນປະເທດ,ໄດ້ລະເມີດລະບຽບຂອງອົງການການຄ້າໂລກ,ຂັດຂວາງແລະຈຳກັດການພັດທະນາຂອງຂະແໜງການພະລັງງານທົດແທນຂອງຈີນ,ໄດ້ກາຍເປັນກຳແພງການຄ້າ.ຜູ່ຮ້ອງຂໍຮຽກຮ້ອງໃຫ້ກະຊວງການຄ້າເລີ່ມການສຳຫຼວດກຳແພງການຄ້າ,ກຳຈັດຜົນກະທົບທີ່ບໍ່ດີ, ເພື່ອຮັກສາສະພາບແວດລ້ອມການຄ້າທີ່ທ່ຽງທຳ.
ເມື່ອໄດ້ພິຈາລະນາສຳຫຼວດແລ້ວ, ກະຊວງການຄ້າຈີນຕົກລົງດຳເນີນການສຳຫຼວດຕໍ່ນະໂຍບາຍສະໜັບສະໜູນແລະມາດຕະການອຸດໜູນ6ຂໍ້ທີ່ຜູ່ຮ້ອງຂໍ້ຊີ້ອອກ.
ຕາມການກຳນົດ,ການສຳຫຼວດເທື່ອນີ້ຈະສິ້ນສຸດລົງກ່ອນວັນທີ25ພຶດສະພາປີ2012.
