ຝ່າຍທະຫານຂອງເອຢິບແຕ່ງຕັ້ງໃຫ້ທ່ານອະດີດນາຍົກລັດຖະມົນຕີຈັດຕັ້ງລັດຖະບານໃໝ່
(GMT+08:00) 2011-11-26 14:19:06 cri
ວັນທີ25ພະຈິກນີ້,ທ່ານຮູເຊນ ຕັນຕາວີ,ປະທານຄະນະກຳມະການສູງສຸດຂອງກອງທັບ ເອຢິບອອກຄຳສັ່ງ,ແຕ່ງຕັ້ງໃຫ້ທ່ານຄາມາວ ກັນໂຊຣີ,ອະດີດນາຍົກລັດຖະມົນຕີຮັບ ຜິດຊອບການຈັດຕັ້ງລັດຖະບານກູ້ຊາດຊຸດໃໝ່.ທ່ານກັນໂຊຣີກ່າວວ່າ,ໃນເວລາຈັດຕັ້ງລັດ ຖະບານ,ທ່ານຈະຖືຜົນປະໂຫຍດສາທາລະນະເປັນສິ່ງສຳຄັນ,ຂຶ້ນຢູ່ກັບວ່າປະຊາຊົນຈະ ເພີ່ງພໍໃຈຫຼືບໍ່,ຈະບໍ່ພິຈາລະນາເຖິງຄວາມອ່ຽງດ້ານການເມືອງ.
ທ່ານກັນໂຊຣີກ່າວວ່າ,ລັດຖະບານໃໝ່ບໍ່ສາມາດຈັດຕັ້ງຂຶ້ນກ່ອນການປ່ອນບັດເລືອກຕັ້ງ ລັດຖະສະພາໃນວັນທີ28ພະຈິກນີ້,ທ່ານຕ້ອງການເວລາເພື່ອແຕ່ງຕັ້ງລັດຖະມົນຕີວ່າການກະຊວງຕ່າງໆ,ແຕ່ກໍ່ບໍ່ດົນຫຼາຍ.
ຍ້ອນວ່າເກີດການປະທະກັນໃນການປະທ້ວງຢ່າງຕໍ່ເນື່ອງຢູ່ພາຍໃນເອຢິບໃນຫວ່າງບໍ່ດົນມານີ້,ວັນທີ20ພະຈິກນີ້,ລັດຖະບານຂອງທ່ານເອຊາມ ຊາຣາຟຍື່ນສານລາອອກຈາກຕຳແໜ່ງໃຫ້ແກ່ຝ່າຍທະຫານ.ໃນວັນທີ22ພະຈິກນີ້,ທ່ານຕັນຕາວີປະກາດຮັບເອົາສານລາອອກຈາກຕຳແໜ່ງຂອງລັດຖະບານເຊຣາຟ.
