ລັດຖະມົນຕີການຕ່າງປະເທດຂອງຊີຣີມີຄວາມສົງໄສຕໍ່ສັນຍາຂອງສັນນິບາດປະເທດອາຣັບກ່ຽວກັບການສົ່ງຄະນະຜູ່ສັງເກດການໄປຊີຣີ
(GMT+08:00) 2011-11-26 14:29:35 cri
ວັນທີ25ພະຈິກນີ້,ສັນນິບາດອາຣັບກ່າວວ່າ,ໃນມື້ດຽວກັນ,ທ່ານນາບີວ ເອວ ອາຣາ ບີ,ເລຂາທິການໃຫຍ່ສັນນິບາດອາຣັບໄດ້ຮັບຈົດໝາຍກ້ານໜຶ່ງຈາກທ່ານວາລິດ ອານ ໂມອາເລັມ,ລັດຖະມົນຕີວ່າການກະຊວງການຕ່າງປະເທດຊີຣີ.ໃນຈົດໝາຍ,ເພີ່ນໄດ້ສະແດງຄວາມສົງໄສຕໍ່ຂໍ້ມາດຕາຈຳນວນໜຶ່ງໃນຮ່າງສັນຍາຂອງສັນນິບາດອາຣັບກ່ຽວກັບການສົ່ງຄະນະຜູ່ສັງເກດການໄປຊີຣີພ້ອມດ້ວຍພາລະໜ້າທີ່ຂອງຄະນະຜູ່ສັງເກດການ.
ໃນມື້ດຽວກັນ,ກອງບັນຊາການຂອງກອງທະຫານຊີຣີອອກຖະແຫຼງການ,ຢືນຢັນວ່າໃນວັນທີ24ພະຈິກນີ້,ມີທະຫານ10ຄົນເສຍຊີວິດຍ້ອນຖືກຫຼອນໂຈມຕີຢູ່ຖານທັບອາກາດແຫ່ງໜຶ່ງທີ່ແຂວງຮິມສ໌ ຊຶ່ງເປັນບ່ອນທີ່ມີການປະທະກັນດ້ວຍຄວາມຮຸນແຮງອັນໜັກໜ່ວງທີ່ສຸດຂອງຊີຣີ.ຖະແຫຼງການຂຽນວ່າ,ໄດ້ຢືນຢັນວ່າມີອິດທິກຳລັງຕ່າງປະເທດໄດ້ເຂົ້າຮ່ວມເຫດການຫຼອນໂຈມຕີເທື່ອນີ້.ກອງທະຫານຊີຣີມີຄວາມສາມາດປົກປ້ອງປະເທດຊາດແລະປະຊາຊົນຂອງຊີຣີ.
ໃນວັນທີ25ພະຈິກນີ້,ກອງທັບຊີຣີເສລີ ຊຶ່ງເປັນກອງປະກອບອາວຸດຕ້ານລັດຖະບານຊີຣີທີ່ຖືເຂດພາກໃຕ້ຂອງຊີຣີເປັນຖານທີ່ໝັ້ນນັ້ນປະກາດວ່າ,ໄດ້ກໍ່ເຫດການຫຼອນໂຈມຕີເທື່ອນີ້.
