ຈີນຫວັງວ່າຝ່າຍຕ່າງໆຊຸກຍູ້ໃຫ້ກອງປະຊຸມສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດທີ່ເດີບານຈະໄດ້ຮັບໝາກຜົນ
(GMT+08:00) 2011-11-26 14:37:41 cri
ວັນທີ25ພະຈິກນີ້,ໃນກອງປະຊຸມຂ່າວທີ່ຈັດຂຶ້ນຢູ່ປັກກິງ,ທ່ານລິວເວີ້ຍມີນ,ໂຄສົກກະຊວງ ການຕ່າງປະເທດຈີນກ່າວວ່າ,ຈີນຫວັງວ່າຝ່າຍຕ່າງໆຈົ່ງສະແດງໃຫ້ເຫັນຄວາມຈິງໃຈຕື່ມອີກ,ເພີ່ມຄວາມເຂົ້າໃນກັນ,ເພີ່ມທະວີການຮ່ວມມືກັນ,ຊຸກຍູ້ໃຫ້ກອງປະຊຸມສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດທີ່ເດີບານຈະໄດ້ຮັບໝາກຜົນຢ່າງຮອບດ້ານແລະສະໝ່ຳສະເໝີກັນ.
ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວກ່ຽວກັບສະຫະພາບເອີລົບຈະສະເໜີແຜນການໃໝ່ໃນກອງປະຊຸມເດີບານ,ທ່ານລິວເວີ້ຍມີນຊີ້ອອກວ່າ, "ສົນທິສັນຍາຂອບການປ່ຽນແປງຂອງດິນຟາອາກາດສະຫະປະຊາຊາດ"ແລະ"ອະນຸສັນຍາກຽວໂຕ"ແມ່ນສົນທິສັນຍາສາກົນທີ່ມີລັກສະນະທົ່ວໄປທີ່ສຸດ,ຫຼັກການແລະຂອບທີ່ຕົກລົງໃນສັນຍາສອງສະບັບນີ້ໄດ້ຮັບການເຫັນດີເຫັນພ້ອມໂດຍທົ່ວໄປຈາກປະຊາຄົມໂລກ,ແມ່ນພັນທະໃນກົດໝາຍສາກົນທີ່ຝ່າຍເຊັນສັນຍາທັງໝົດຕ້ອງປະຕິບັດ.
ທ່ານກ່າວວ່າ: "ປະເທດທີ່ພັດທະນາແລ້ວແລະປະເທດທີ່ພວມພັດທະນາມີໜ້າທີ່ຮັບຜິດຊອບດ້ານປະຫວັດສາດຕ່າງກັນ,ແລະຢູ່ໃນຂັ້ນຕອນພັດທະນາທີ່ຕ່າງກັນ,ສະນັ້ນການລະບາຍອາຍພິດເຮືອນແກ້ວແລະສະພາບການຫຼຸດການລະບາຍອາຍພິດເຮືອນແກ້ວຈຶ່ງບໍ່ຄືກັນຢ່າງແນ່ນອນ.ສະນັ້ນ,ການຮັບມືກັບການປ່ຽນແປງຂອງດິນຟ້າອາກາດຄວນໂຄລົບຫຼັກການທີ່"ມີໜ້າທີ່ຮັບຜິດຊອບຮ່ວມກັນແຕ່ບໍ່ທໍ່ກັນ","ຍຸດຕິທຳ"ແລະ"ຕາມຄວາມສາມາດຂອງໃຜລາວ".ກອງະຊຸມເດີບານຈະຈັດຂຶ້ນໃນໄວໆນີ້,ໜ້າທີ່ຮີບດ່ວນທີ່ສຸດແມ່ນພະຍາຍາມບັນລຸຄວາມຄືບໜ້າໃນຫົວຂໍ້ສຳຄັນຕ່າງໆ,ເຊັ່ນ:ປະຕິບັດຕາມຄຳໝັ້ນສັນຍາໄລຍະທີ 2ຂອງ"ອະນຸສັນຍາກຽວໂຕ"ແລະການສະໜັບສະໜູນດ້ານເງິນທຶນແລະເຕັກນິກເປັນຕົ້ນ.
ວັນທີ24ພະຈິກນີ້,ຄະນະກຳມະການກ່ຽວກັບການປ່ຽນແປງຂອງດິນຟ້າອາກາດຂອງສະຫະປະຊາຊາດກ່າວວ່າ,ເນື້ອໃນຂອງອະນຸສັນຍາກຽວໂຕບໍ່ສອດຄ່ອງກັບສະພາບການເສດຖະກິດໂລກໃນປະຈຸບັບນີ້,ຄື:ປະເທດທີ່ພັດທະນາແລ້ວໄດ້ຫຼຸດປະລິມານການລະບາຍອາຍພິດເຮືອນແກ້ວໃຫ້ໜ້ອຍລົງຢ່າງບໍ່ຢຸດຢັ້ງແລ້ວແຕ່ຊ້ຳພັດຖືກຮຽກຮ້ອງໃຫ້ຫຼຸດ ລົງຕໍ່ໄປແບບບັງຄັບອີກ,ແຕ່ປະເທດຈະເລີນໃໝ່ພຽງແຕ່ແມ່ນເປັນເຈົ້າການຫຼຸດປະລິມານການລະບາຍຕາມຄວາມຍິນດີຂອງຕົນທໍ່ນັ້ນ.ສະຫະພາບເອີຣົບຈະສະເໜີແຜນການໃໝ່ໃນກອງປະຊຸມເດີບານ,ຊຸກຍູ້ໃຫ້ປະເທດອື່ນໆວາງເປົ້າໝາຍດ້ານການຫຼຸດການລະບາຍອາຍພິດເຮືອນແກ້ວຂອງຕົນຢ່າງຈະແຈ້ງ,ແຕ່ນີ້ຕ້ອງການສ່ວນຮ່ວມຂອງອາເມລິກາ,ຈີນ,ເບຼຊິນ,ອິນເດຍແລະອາຟຣິກາໃຕ້.
