ວັນທີ26ພະຈິກນີ້, ຜູ້ຊ່ວຍຜູ້ໜຶ່ງຂອງທ່ານອາລີ ອັບດູນລາ ຊາເລຮ໌,ປະທານາທິບໍດີກິຕິມະສັກເຢແມນຢືນຢັນວ່າ, ທ່ານຊາເລຮ໌ຈະຕິດຕາມການປະຕິບັດສັນຍາຂອງຄະນະກໍາມະການຮ່ວມມືປະເທດອ່າວເປີເຊຍ.
ວັນທີ23ພະຈິກນີ້, ທ່ານຊາເລຮ໌ໄດ້ລົງນາມໃນສັນຍາໄກ່ເກ່ຍຂອງຄະນະກໍາມະການຮ່ວມມືປະເທດອ່າວເປີເຊຍທີ່ມີຈຸດປະສົງແກ້ໄຂວິກິດການເຢແມນ. ອີງຕາມສັນຍາທີ່ກ່ຽວຂ້ອງ, ທ່ານຊາເລຮ໌ໄດ້ມອບອານາດໃຫ້ແກ່ທ່ານອັບດູນ ຣາບູ ມານຊູ ຮາດີ, ຮອງປະທານາທິບໍດີເຢແມນ, ທ່ານຊາເລຮ໌ພ້ອມດ້ວຍຜູ້ສະໜັບສະໜູນຂອງທ່ານໄດ້ຮັບສິດຍົກເວັ້ນ, ສ້າງຕັ້ງລັດຖະບານປະສົມທີ່ນໍາພາໂດຍຝ່າຍຕໍ່ຕ້ານລັດຖະບານເຢແມນ, ແລະຈັດການເລືອກຕັ້ງປະທານາທິບໍດີພາຍໃນ90ວັນ, ທ່ານຊາເລຮ໌ຈະເປັນປະທານາທິບໍດີກິຕິມະສັກໃນໄລຍະນີ້.
ທ່ານຮາດີ, ຮອງປະທານາທິບໍດີເຢແມນໄດ້ອອກດໍາລັດໃນວັນທີ26ພະຈິກນີ້, ຈະເລືອກຕັ້ງປະທານາທິບໍດີໃນວັນທີ21ກຸມພາປີໜ້າ.
