ໃນຕອນຄໍ່າວັນທີ26ພະຈິກນີ້, ຄະນະກໍາມະການເສດຖະກິດແລະສັງຄົມຂອງສັນນິບາດອາລັບໄດ້ສະເໜີຂໍ້ສະເໜີກ່ຽວກັບການລົງໂທດຊີຣີ, ເນື້ອໃນລວມທັງການອາຍັດເງິນທຶນຂອງລັດຖະບານຊີຣີທີ່ຢູ່ປະເທດອາລັບ, ຢຸດຕິການຄ້າກັບລັດຖະບານຊີຣີເປັນຕົ້ນ.
ກອງປະຊຸມລັດຖະມົນຕີການຕ່າງປະເທດສັນນິບາດອາລັບທີ່ຈະຈັດຂຶ້ນໃນວັນທີ27ພະຈິກນີ້ຈະປຶກສາຫາລືຂໍ້ສະເໜີດັ່ງກ່າວ. ຂໍ້ສະເໜີລົງໂທດຍັງລວມທັງຈໍາກັດເຈົ້າໜ້ທີ່ລັດຖະບານຊີຣີໄປຢ້ຽມຢາມປະເທດອາລັບ, ຢຸດຕິຖ້ຽວບິນໄປສູ່ຊີຣີ, ຢຸດຕິການໄປມາຫາສູ່ກັນທາງດ້ານວຽກງານກັບທະນາຄານກາງຂອງຊີຣີ, ຢຸດຕິການຮ່ວມມືດ້ານການເງິນກັບຊີຣີ,ຢຸດຕິທະນາຄານກາງຂອງປະເທດອາລັບຕ່າງໆສະໜອງເງິນທຶນແກ່ທະນາຄານກາງຂອງຊີຣີໃນດ້ານການຄ້າລະຫວ່າງລັດຖະບານເປັນຕົ້ນ.
