ປາກີສະຖານປິດເສັ້ນທາງສົ່ງກຳລັງບຳລຸງຂອງນາໂຕ ຮຽກຮ້ອງໃຫ້ອາເມລິກາຖອນທະຫານອອກຈາກຖານທັບອາກາດຢູ່ປາກີສະຖານໃນເວລາກຳນົດ
(GMT+08:00) 2011-11-27 14:06:35 cri
ຕາມຂ່າວCRI: ວັນທີ26ພະຈິກນີ້, ຍົນເຮລີກົບແຕ່ສູ້ຮົບຂອງນາໂຕໄດ້ຫຼອນໂຈມຕີທາງອາກາດຕໍ່ດ່ານກວດກາທາງທະຫານແຫ່ງໜຶ່ງທີ່ພາກຕາເວັນຕົກສຽງເໜືອຂອງປາກີສະຖານ, ເຮັດໃຫ້ທະຫານປາກີສະຖານເສຍຊີວິດ24ຄົນ, 13ຄົນບາດເຈັບ, ມື້ດຽວກັນປາກີສະຖານໄດ້ຕົກລົງປິດເສັ້ນທາງສົ່ງກຳລັງບຳລຸງໄປສູ່ອາຟການີສະຖານຂອງນາໂຕໃນທັນທີ, ແລະຮຽກຮ້ອງໃຫ້ອາເມລິກາຖອນທະຫານອອກຈາກຖານທັບອາກາດສຳຄັນແຫ່ງໜຶ່ງທີ່ພາກຕາເວັນຕົກສຽງເໜືອຂອງປາກີສະ ຖານພາຍໃນ15ມື້.
ມື້ດຽວກັນ, ຫ້ອງການນາຍົກລັດຖະມົນຕີຂອງປາກີສະຖານອອກຖະແຫຼງການວ່າ, ທ່ານໂຢເຊີຟ ລາຊາ ກິລານີນາຍົກລັດຖະມົນຕີປາກີສະຖານໄດ້ຮຽກໄຂກອງປະຊຸມດ່ວນຂອງຄະນະກຳມະການປ້ອງກັນປະເທດຂອງຄະນະລັດຖະບານໃນຕອນຄ່ຳມື້ດຽວກັນ. ກອງປະຊຸມເຫັນວ່າ, ການຫຼອນໂຈມຕີຂອງນາໂຕເທື່ອນີ້ແມ່ນການກຳທຳທີ່ລ່ວງລະເມີດສິດ, ເຮັດໃຫ້ຄົນຮັບເອົາບໍ່ໄດ້ສິ້ນທັງ. ລັດຖະບານປາກີສະຖານຍັງຈະພິຈາລະນາແລະປະເມີນຄືນໃໝ່ຕໍ່ໂຄງການ, ການເຄື່ອນໄຫວແລະສັນຍາການຮ່ວມມື້ທັງໝົດກັບອາເມລິກາ, ນາໂຕແລະກອງທັບຊ່ວຍເຫຼືອຄວາມປອດໄພສາກົນ, ເນື້ອໃນກ່ຽວກັບການຕ່າງປະເທດ, ການເມືອງ,ການທະຫານ, ຂ່າວລັບແລະອື່ນໆ.
