ຕາມຂ່າວCRI: ວັນທີ26ພະຈິກນີ້, ກອງປະຊຸມສຸດຍອດເສດຖະກິດການຄ້າການທທະນາຄານທີໜຶ່ງປີ2011ໄດ້ໄຂຂຶ້ນຢູ່ນະຄອນຫຼວງປັກກິ່ງ, ຫົວຂໍ້ຂອງກອງປະຊຸມຄັ້ງນີ້ແມ່ນ"ການກວດກາແລະການຄວບຄຸມດ້ານທະນາຄານ: ຮັບມືກັບວິກິດການອີກເທື່ອໜຶ່ງ", ແລະ"ຕະຫຼາດທະນາຄານ: ຄວາມວຸ້ນວາຍແລະການປະກອບຄືນໃໝ່". ຜູ້ນຳລະດັບສູງຂອງອົງການກວດກາແລະຄວບຄຸມເປັນຕົ້ນແມ່ນຄະນະກຳມະການກວດກາການປະກັນໄພ, ສະພາບັນດິດວິທະຍາສາດສັງຄົມຈີນແລະຜູ້ນຳລະດັບສູງ, ຊ່ຽວຊານຂອງອົງການທະນາຄານຈີນແລະຕ່າງປະເທດໄດ້ສຸມໃສ່ທ່ວງທ່າໃໝ່ແລະການທ້າທາຍໃໝ່ໃນຂະແໜງການທະນາຄານຈີນພາຍໃຕ້ສະຖານະການມະຫາພາກທົ່ວໂລກ.
ທ່ານໂຈ່ອຽນຫຼີປະທານຄະນະກຳມະການກວດກາການປະກັນໄພຂອງຈີນກ່າວວ່າ, ຂະແໜງການປະກັນໄພໄດ້ສົ່ງເສີມບົດບາດເປັນຢ່າງດີໃນຂະບວນການສະໜັບ ສະໜູນການພັດທະນາເສດຖະກິດ. ປະຈຸບັນນີ້, ຂົງເຂດການປະກັນໄພໄດ້ສືບຕໍ່ຂະຫຍາຍກວ້າງອອກຢ່າງບໍ່ຢຸດຢັ້ງ, ຄວາມສ່ຽງທີ່ຂະແໜງການປະກັນໄພປະເຊີນນັ້ນສັບສົນກວ່າເກົ່າ, ການກວດກາການປະກັນໄພມີຄວາມຕ້ອງການດ້ານການປະຕິຮູບ. ການກວດການຢ່າງລະມັດລະວັງດ້ານມະຫາພາກຄວນພິຈາລະນານຳເອົາການປົກປ້ອງຜົນປະໂຫຍດຂອງຜູ້ບໍລິໂພກ, ການຮັກສາການແຂ່ງຂັນຢ່າງຍຸດຕິທຳເຂົ້າໃນຂອບເຂດການກວດກາ.
ທ່ານຫຼີອີເຫີງຜູ້ຕາງໜ້າຜູ້ທີໜຶ່ງຂອງອົງການກອງທຶນເງິນຕາສາກົນຫຼື IMFປະຈຳຈີນກ່າວວ່າ, ການອາໄສເງິນຕາຊະນິດໜຶ່ງຫຼາຍເກີນໄປແມ່ນເຫດຜົນໜຶ່ງໃນການເກີດວິກິດການການເງິນ, ສະນັ້ນ, IMFຫວັງໃຫ້ມີຄັງສຳຮອງເງິນຕາຢ່າງຫຼາກຫຼາຍ.
