ນັກວິຊາການຈີນຍີ່ປຸ່ນສ.ເກົາຫຼີເຕົ້າໂຮມກັນຢູ່ປັກກິ່ງປຶກສາຫາລືກ່ຽວກັບການພັດທະນາໂດຍສັນຕິຂອງທະວີບອາຊີຕາເວັນອອກ
(GMT+08:00) 2011-11-27 14:11:25 cri
ຕາມຂ່າວCRI: ວັນທີ26ພະຈິກນີ້, ເວທີປຶກສາຫາລືກ່ຽວກັບຄວາມຮັບຮູ້ຕໍ່ປະຫວັດສາດແລະການພັດທະນາໂດຍສັນຕິຂອງທະວີບອາຊີຕາເວັນອອກຄັ້ງທີ10ໄດ້ໄຂຂຶ້ນຢູ່ນະຄອນຫຼວງປັກກິ່ງຂອງຈີນ.
ໃນເວທີປຶກສາຫາລືເປັນເວລາ2ມື້, ຊ່ຽວຊານ, ນັກວິຊາການແລະບຸກຄົນພື້ນເມືອງທີ່ມາຈາກຈີນຍີ່ປຸ່ນແລະສ.ເກົາຫຼີຈະຄົ້ວຄວ້າຫາລືແລະແລກປ່ຽນກ່ຽວກັບຫົວຂໍ້ຕ່າງໆ, ເຊັ່ນ: "ການຊຸກຍູ້ຄວາມຮັບຮູ້ຕໍ່ປະຫວັດສາດ","ການຖອດຖອນບົດຮຽນເຊິ່ງກັນແລະກັນ"，"ການຄຸ້ນຄອງສະພາບການປ່ຽນແປງແລະການນໍາໃຊ້ຂອງແບບຮຽນປະຫວັດສາດຂອງປະເທດຕ່າງໆ"ແລະອື່ນໆ, ສະຫຼຸບແລະສຳຫຼວດຄືນຕໍ່ມະຫັນຕະໄພແລະບົດຮຽນອັນເຈັບແສບຈາກສົງຄາມຮຸກຮານທີ່ຍີ່ປຸ່ນກໍ່ຂຶ້ນຕໍ່ປະຊາຊົນຈີນ, ສ.ເກົາຫຼີແລະອາຊີຕາເວັນອອກ, ຮ່ວມກັນປຶກສາຫາລືການພັດທະນາໂດຍສັນຕິຂອງອາຊີຕາເວັນອອກ.
ທ່ານຢາງເຈີງຊວນຮອງຜູ້ອໍານວຍການໃຫຍ່ຂອງກອງທຶນການພັດທະນາດ້ານສິດທິມະນຸດຈີນກ່າວຄໍາປາໄສໃນພິທີເປີດປະຊຸມວ່າ, ປະຈຸບັນນີ້, ຈີນຍີ່ປຸ່ນແລະສ.ເກົາຫຼີໄດ້ຮັກສາການແລກປ່ຽນແລະການຮ່ວມມືໃນວຽກງານສໍາຄັນຂອງສາກົນແລະພາກພື້ນ, ການພັດທະນາການພົວພັນໄມຕີຈິດລະຫວ່າງ3ປະເທດແມ່ນສອດຄ່ອງກັບຄວາມປາຖະໜາຂອງປະຊາຊົນ. ທ່ານຫວັງວ່າເວທີປຶກສາຫາລືຄັ້ງນີ້ຈະສືບຕໍ່ສົ່ງເສີມບົດບາດອັນຕັ້ງໜ້າເຂົ້າໃນການພັດທະນາແບບຍືນຍົງແລະໂດຍສັນຕິລະຫວ່າງຈີນຍີ່ປຸ່ນແລະສ.ເກົາຫຼີ, ອາຊີຕາເວັນອອກແລະທົ່ວໂລກ.
