ຢູ່ແຜ່ນດິນໃຫຍ່ຂອງຈີນ, ຄູ່ຜົວເມຍທີ່ທັງສອງຄົນລ້ວນແຕ່ເປັນລູກຄົນດຽວໃນຄອບຄົວນັ້ນ ສາມາດມີລູກສອງຄົນ
(GMT+08:00) 2011-11-28 16:59:23 cri
ຄຽງຄູ່ກັບແຂວງເຮີນານຈີນໄດ້ຜ່ານກົດຂໍ້ກຳນົດທີ່ອະນຸຍາດໃຫ້ ຄູ່ຜົວເມຍທີ່ເປັນລູກຄົນດຽວໃນຄອບຄົວ ສາມາດມີລູກໄດ້ສອງຄົນ, 31 ແຂວງແລະກຳແພງນະຄອນຢູ່ແຜ່ນດິນໃຫຍ່ຈີນລ້ວນແຕ່ເລີ່ມປະຕິບັດນະໂຍບາຍດັ່ງກ່າວ.
ອີງຕາມການຕົກລົງກ່ຽວກັບການດັດແປງ "ກົດຂໍ້ກຳນົດປະຊາກອນກັບການວາງແຜນຄອບຄົວແຂວງເຮີນານ" ທີ່ຄະນະກຳມະການປະຈຳສະພາປະຊາຊົນແຂວງເຮີນານຕົກລົງໃນວັນທີ 25 ພະຈິກນີ້, ຢູ່ແຂວງເຮີນານ, ຖ້າຄູ່ຜົວເມຍໃດທີ່ທັງສອງຄົນລ້ວນແຕ່ເປັນລູກຄົນດຽວໃນຄອບຄົວ, ຢາກມີລູກສອງຄົນ, ເມື່ອໄດ້ຜ່ານການອະນຸຍາດແລ້ວ, ກໍ່ສາມາດມີລູກຜູ້ທີສອງໄດ້. ຖ້າຜົວເມຍສອງຄົນລ້ວນແຕ່ແມ່ນຊາວກະສິກອນ, ມີລູກຜູ້ຍິງຜູ້ດຽວ, ຢາກເອົາລູກຜູ້ທີສອງນັ້ນ, ຕ້ອງໄດ້ຜ່ານການອະນຸຍາດເສຍກ່ອນຈຶ່ງສາມາດມີລູກຜູ້ທີສອງໄດ້.
