10ປີຂ້າງໜ້ານີ້ຍອດປະລິມານການນຳໃຊ້ນ້ຳຂອງຂະແໜງການກະສິກຳຈີນຈະບໍ່ເພີ່ມຂຶ້ນ
(GMT+08:00) 2011-11-28 15:02:02 cri
ຫວ່າງມໍ່ໆມານີ້, ເຈົ້າໜ້າທີ່ກະຊວງກະສິກຳຈີນກ່າວວ່າ, ເພື່ອຮັບປະກັນຄວາມປອດໄພດ້ານອາຫານຂອງຈີນ, 10ປີຂ້າງໜ້ານີ້, ຈີນຈະອອກແຮງພັດທະນາຊົນລະປະທານແບບປະຢັດນ້ຳ, ຍາດແຍ່ງໃຫ້ຍົກສະມັດຕະພາບຊົນລະປະທານໃຫ້ສູງກວ່າ55%ໃນປີ2020, ຍອດປະລິມານການໃຊ້ນ້ຳຂອງຂະແໜງການກະສິກຳຈີນຈະບໍ່ເພີ່ມຂຶ້ນ.
ຕາມຂ່າວແຈ້ງວ່າ, ໃນໄລຍະປະຕິບັດແຜນການພັດທະນາເສດຖະກິດສັງຄົມ5ປີຄັ້ງທີ11ຂອງຈີນ, ເນື້ອທີ່ໂຄງການຊົນລະປະທານຂອງຈີນໄດ້ເພີ່ມຂຶ້ນ6ລ້ານ1ແສນ3ໝື່ນກວ່າເຮັກຕາ, ສາມາດປະຢັດນ້ຳ15ຕື້ກວ່າແມັດກ້ອນ, ໃນຂະນະດຽວກັນ, ກໍສາມາດຮັບປະກັນເຮັດໃຫ້ການຜະລິດທັນຍາຫານເພີ່ມຂຶ້ນຢ່າງຕໍ່ເນື່ອງ, ກໍໄດ້ບັນລຸໃຫ້ຍອດປະລິມານການນຳໃຊ້ນ້ຳບໍ່ໃຫ້ເພີ່ມຂຶ້ນ. 10ປີຂ້າງໜ້ານີ້, ຈີນຈະສ້າງເຂດລະບາຍນ້ຳໃໝ່ຢູ່ທ້ອງຖິ່ນທີ່ມີຊັບພະຍາກອນນ້ຳເອື້ອອຳນວຍ, ສູ້ຊົນເຮັດໃຫ້ເນື້ອທີ່ນາລະບາຍນ້ຳຫຼາຍກວ່າ6ລ້ານ6ແສນເຮັກຕາໄດ້ຮັບການສະສະໜອງນ້ຳຢ່າງພຽງພໍໃນປີ2020. ພ້ອມກັນນັ້ນ, ກໍອອກແຮງເຜີຍແຜ່ເຕັກນິກປະຢັດນ້ຳໃໝ່, ຜ່ານຈາກຄວາມພະຍາຍາມເປັນເວລາ10ປີ, ໄດ້ປ່ຽນແປງສະພາບການທີ່ຂະແໜງການກະສິກຳທີ່ອາໄສພຽງແຕ່ນ້ຳຝົນໄດ້ໃນຂັ້ນພື້ນຖານ.
