ທ່ານປູຕິນໄດ້ຮັບເລືອກຕັ້ງເປັນຕົວແທນລົງສະໝັກຮັບເລືອກຕັ້ງປະທານາທິບໍດີຂອງພັກໂຮມຣັດເຊຍເປັນເອກະພາບ
(GMT+08:00) 2011-11-28 17:14:37 cri
ວັນທີ27ພະຈິກນີ້,ໃນກອງປະຊຸມຜູ່ແທນຂອງພັກໂຮມຣັດເຊຍເປັນເອກະພາບ, ທ່ານວຼາດີເມຍ ປູຕິນ,ນາຍົກລັດຖະມົນຕີຣັດເຊຍໄດ້ຮັບເລືອກຕັ້ງເປັນຕົວແທນຂອງພັກໃນການລົງສະໝັກຮັບເລືອກຕັ້ງເປັນປະທານາທິບໍດີຢ່າງເປັນທາງການ.ນີ້ໝາຍຄວາມວ່າທ່ານປູຕິນຈະເຂົ້າຮ່ວມການເລືອກຕັ້ງປະທານາທິບໍດີທີ່ຈະຈັດຂຶ້ນໃນເດືອນມີນາປີໜ້າໃນຖານະເປັນຜູ່ນຳຂອງພັກການເມືອງໃຫຍ່ອັນດັບໜຶ່ງຂອງຣັດເຊຍ.
ໃນກອງປະຊຸມຜູ່ແທນຂອງພັກໂຮມຣັດເຊຍເປັນເອກະພາບທີ່ຈັດຂຶ້ນໃນວັນທີ27ພະຈິກນີ້,ທ່ານປູຕິນໄດ້ຮັບຖານະເປັນຕົວແທນຂອງພັກໃນການລົງສະໝັກຮັບເລືອກຕັ້ງເປັນປະທານາທິບໍດີຂອງຣັດເຊຍດ້ວຍຄະແນນສຽງເຫັນດີເປັນເອກະພາບ614ສຽງ,ໂດຍບໍ່ມີສຽງ ຄັດຄ້ານ.
ກ່ອນການປ່ອນບັດ,ທ່ານດີມີຕຼີ ເມັດເວເດັຟ,ປະທານາທິບໍດີຣັດເຊຍຄົນປະຈຸບັນໄດ້ຍ້ອງຍໍສັນລະເສີນທ່ານປູຕິນວ່າແມ່ນນັກການເມືອງ "ຜູ່ທີ່ໄດ້ຮັບຄວາມນິຍົມຊົມຊອບຫຼາຍທີ່ສຸດ,ມີບົດຮຽນຫຼາຍທີ່ສຸດແລະໄດ້ຮັບຜົນສຳເລັດຫຼາຍທີ່ສຸດ"ຂອງຣັດເຊຍໃນປະຈຸບັນນີ້.ທ່ານປູຕິນຮຽກຮ້ອງໃຫ້ຜູ່ມີສິດເລືອກຕັ້ງຈົ່ງສະໜັບສະໜູນພັກໂຮມຣັດເຊຍເປັນເອກະພາບໃນການເລືອກຕັ້ງສະພາດູມາແຫ່ງຊາດສະໄໝໜ້າ.
