ຝ່າຍຕ່າງໆຄອງຄອຍການເຈລະຈາກ່ຽວກັບການປ່ຽນແປງຂອງດິນຟ້າອາກາດຈະຢ່ວງບາດ ກ້າວອັນໜັກແໜ້ນຢູ່ເດີບານ
(GMT+08:00) 2011-11-28 17:19:31 cri
ຕາມຂ່າວCRI:ຕອນເຊົ້າວັນທີ28ພະຈິກນີ້,ກອງປະຊຸມຝ່າຍຕ່າງໆເຊັນສັນຍາຄັ້ງທີ17ຂອງສົນທິສັນ ຍາຂອບກ່ຽວກັບການປ່ຽນແປງຂອງດິນຟ້າອາກາດຂອງສະຫະປະຊາຊາດໄຂຂຶ້ນຢູ່ເດີບານ,ເມືອງທ່າກ່ຳປັ່ນທາງພາກຕາເວັນອອກຂອງອາຝຼິກາໃຕ້.ເຖິງວ່າຝ່າຍຕ່າງໆມີຄວາມປາຖະໜາຕ່າງກັນກໍ່ຕາມ,ແຕ່ກໍມີຄວາມຫວັງອັນດຽວກັນ,ນັ້ນກໍ່ຄື:ຢາກໃຫ້ການເຈລະຈາກ່ຽວກັບການປ່ຽນແປງຂອງດິນຟ້າອາກາດຢ່ວງບາດກ້າວອັນໜັກແໜ້ນຢູ່ເດີບານ.
ຢູ່ກອງປະຊຸມຂ່າວທີ່ຈັດຂຶ້ນຢູ່ເດີບານໃນວັນທີ27ພະຈິກນີ້,ຜູ່ແທນການເຈລະຈາຂອງຄະນະຜູ່ແທນສະຫະພາບເອີຣົບກ່າວວ່າ,ສະຫະພາບເອີຣົບຫວັງໃຫ້ກອງປະຊຸມຄັ້ງນີ້ປະຕິບັດຕາມຜົນຂອງສັນຍາຄັນຄູນຢ່າງແທ້ຈິງ,ເປີດມູນນິທິດິນຟ້າອາກາດສີຂຽວ,ພ້ອມກັນນັ້ນ,ກໍ່ຫວັງໃຫ້ບັນລຸເປົ້າໝາຍການຫຼຸດການລະບາຍອາຍພິດເຮືອນແກ້ວທີ່ມີຜົນບັງຄັບໃຊ້.
ບັນດາປະເທດທີ່ພວມພັດທະນາມີທ່າທີຢ່າງເດັດດ່ຽວໃນການເຊັນອະນຸສັນຍາກຽວໂຕໄລຍະທີສອງ.
ທ່ານທອດ ສເຕີນ,ທູດພິເສດກ່ຽວກັບການປ່ຽນແປງຂອງດິນຟ້າອາກາດຂອງອາເມລິກາກ່າວວ່າ,ອາເມລິາເຫັນດີສ້າງຕັ້ງ"ມູນນິທິດິນຟ້າອາກາດສີຂຽວ",ແຕ່ວ່າ,ປະຕູຂອງການສ້າງຕັ້ງມູນນິທິນີ້ບໍ່ພຽງແຕ່ເປີດຕໍ່ປະເທດທີ່ໄດ້ພັດທະນາແລ້ວທໍ່ນັ້ນ,ແຕ່ຍັງເປີດຕ້ອນຮັບປະເທດທີ່ພວມພັດທະນາແລະອົງການທຸລະກິດເອກະຊົນຕື່ມອີກ.
