ວັນທີ 27 ພະຈິກນີ້, ຫຼັງຈາກຈັດກອງປະຊຸມຢູ່ນະຄອນຫຼວງເລີແກຂອງເອຢິບ, ລັດຖະມົນຕີການຕ່າງປະເທດສັນນິບາດອາລັບຕົກລົງລົງໂທດຕໍ່ຊີຣີໃນທັນທີ.
ໃນກອງປະຊຸມຂ່າວ,ທ່ານຮາມາດ ບິນ ກາລິຟາ ອານ-ທານີນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດກາຕາໄດ້ປະກາດມະຕິລົງໂທດຕໍ່ຊີຣີ. ມະຕິດັ່ງກ່າວນອກຈາກອີຣັກ ແລະ ລີບັງແລ້ວມແມ່ນ ໄດ້ຮັບການສະໜັບສະໜູນຈາກ 19 ປະເທດໃນ 22 ປະເທດສະມາຊິກສັນນິບາດອາລັບ .
ທ່ານນາບິວ ເອວ-ອາລັບ ເລຂາທິການໃຫຍ່ສັນນິບາດອາລັບກ່າວວ່າ, ການລົງໂທດທາງເສດຖະກິດຕໍ່ຊີຣີລວມມີຫຼາຍດ້ານ, ມີຈຸດປະສົງໃນການຢຸດຕິເຫດການນອງເລືອດຢູ່ຊີຣີ, ມີບາງປະເທດໄດ້ສະເໜີໃຫ້ດດຳເນີນການລົງໂທດທາງການເມືອງໃນຂັ້ນຕໍ່ໄປ. ທ່ານເອວ-ອາລັບກ່າວວ່າ, ການລົງໂທດມີຈຸດປະສົງເພິ່ມຄວາມກົດດັນຕື່ມອີກຕໍ່ລັດຖະບານຊີຣີ. ສັນນິບາດອາລັບຈະພິຈາລະນາຜົນສະທ້ອນທາງສັງຄົມຫຼັງຈາກປະຕິບັດການລົງໂທດ, ແລະອອກແຮງເພິ່ມທະວີສະກັດກັ້ນບໍ່ໃຫ້ອິດທິພົນຈາກພາຍນອກເຂົ້າແຊກແຊງຕໍ່ສະຖານະການພາຍໃນຂອງຊີຣີ.
