ປາກີສະຖານຈະບໍ່ຍົກເລີກການຮຽກຮ້ອງໃຫ້ກອງທະຫານອາເມລິກາຖອນອອຈາກຖານທັບອາກາດຂອງປາກີສະຖານ
(GMT+08:00) 2011-11-29 14:56:08 cri
ວັນທີ28ພະຈິກນີ້, ທ່ານຊິກ ໂມຮາເມັດ ບິນ ຊາເຢັດ ອານນາຢັນ,ລັດຖະມົນຕີວ່າການກະຊວງການຕ່າງປະເທດຂອງສະຫະລັດອາລັບເອມີເຣດໄດ້ເດີນທາງໄປນະຄອນຫຼວງອິສລາມາບັດຂອງປາກີສະຖານ,ແລະເຂົ້າຢ້ຽມຄຳນັບທ່ານ ອາຊີຟ ອາລີຊາດາຣີ, ປະທານາທິບໍດີປາກີສະຖານ. ຂ່າວແຈ້ງວ່າ,ທ່ານຮຽກຮ້ອງໃຫ້ທ່ານ ອາຊີຟ ອາລີຊາດາຣີຍົກເລີກການຕັດສິນທີ່ຮຽກຮ້ອງໃຫ້ກອງທະຫານອາເມລິກາຖອນອອກຈາກຖານທັບອາກາດຊາມຊີຂອງປາກີສະຖານຕາມເວລາກຳນົດ.
ວັນທີ28ພະຈິກນີ້, ທ່ານຢາງເຈສື້, ລັດຖະມົນຕີວ່າການກະຊວງການຕ່າງປະເທດຈີນໄດ້ລົມໂທລະສັບກັບທ່ານນາງຮິນາ ຣັບບານີ ຄາ,ລັດຖະມົນຕີວ່າການກະຊວງການຕ່າງປະເທດປາກີສະຖານກ່ຽວກັບເຫດການດ່ານກວດກາເຂດຊາຍແດນຂອງປາກີສະຖານຖືກຫຼອນໂຈມຕີ. ທ່ານຢາງເຈສື້ກ່າວວ່າ,ຈີນຮູ້ສຶກຕື່ນຕົກໃຈຫຼາຍຕໍ່ເລື່ອງນີ້,ແລະເຫັນວ່າເຫດການທີ່ໜັກໜ່ວງນີ້ຄວນໄດ້ຮັບການສືບສວນຢ່າງຈະແຈ້ງ. ຈີນເດັດດ່ຽວສະໜັບສະໜູນຄວາມພະຍາຍາມຂອງປາກີສະຖານມາໂດຍຕະຫຼອດໃນການປົກປ້ອງເອກະລາດແຫ່ງຊາດ,ອະທິປະໄຕແລະຜືນແຜ່ນດິນອັນຄົບຖ້ວນ.
ວັນທີ28ພະຈິກນີ້,ກະຊວງການຕ່າງປະເທດຣັດເຊຍໄດ້ອອກຖະແຫຼງການວ່າ,ຣັດເຊຍຮຽກຮ້ອງກອງທັບນາໂຕທີ່ປະຈຳຢູ່ອັຟການີສະຖານສືບສວນຕໍ່ເລື່ອງນີ້ໃຫ້ຈະແຈ້ງ,ຣັດເຊຍເດັດດ່ຽວບໍ່ອະນຸຍາດໃຫ້ປະເທດທີ່ກ່ຽວຂ້ອງທຳລາຍອະທິປະໄຕຂອງປະເທດອື່ນໃນຂະບວນການຈັດວາງແຜນການການເຄື່ອນໄຫວຕ້ານການກໍ່ການຮ້າຍແລະການປະຕິບັດງານ.
ນອກນີ້,ຕາມສື່ມວນຊົນປາກີສະຖານລາຍງານໃນວັນທີ28ພະຈິກນີ້ວ່າ, ວັນທີ28ພະຈິກນີ້,ອົງການການຮ່ວມມືອິສຣາມໄດ້ກ່າວປະນາມຢ່າງຮຸນແຮງຕໍ່ນາໂຕຫຼອນໂຈມຕີດ່ານກວດກາຕາມຊາຍແດນປາກີສະຖານທາງອາກາດ.
ວັນທີ28ພະຈິກນີ້, ທ່ານເຈ ຄານີ, ໂຄສົກທຳນຽບຂາວອາເມລິກາກ່າວວ່າ, ນາໂຕໂຈມຕີດ່ານກວດກາທາງການທະຫານຂອງປາກີສະຖານແລະເຮັດໃຫ້ທະຫານຂອງປາກີສະຖານ 24ຄົນເສຍຊີວິດແມ່ນໂສກນາດຕະກຳ,ທຳນຽບຂາວໄດ້ໃຫ້ສັນຍາວ່າຈະສືບສວນກ່ຽວກັບເຫດການນີ້.
