(ເອຢິບເລີ່ມຈັດການເລືອກຕັ້ງສະພາປະຊາຊົນ)
ຕາມຂ່າວcri: ການເລືອກຕັ້ງສະພາປະຊາຊົນຂອງເອຢິບໄດ້ຈັດຂຶ້ນໃນວັນທີ28ພະຈິກນີ້ຕາມເວລາກຳນົດ.
ການເລືອກຕັ້ງສະພາປະຊາຊົນເທື່ອນີ້ກໍ່ແມ່ນການເລືອກຕັ້ງສະພາຕ່ຳ ຊຶ່ງເປັນການເລືອກຕັ້ງເທື່ອທຳອິດນັບແຕ່ມີການຈັດຕັ້ງອຳນາດການປົກຄອງເອຢິບຊຸດໃໝ່ເປັນຕົ້ນມາ. ຂ່າວແຈ້ງວ່າ,ປະຊາຊົນເອຢິບໄດ້ສະແດງຄວາມຮັບຜິດຊອບແລະເປັນເຈົ້າການຕໍ່ການປ່ອນບັດເລືອກຕັ້ງເທື່ອນີ້ເປັນຢ່າງດີ,ສະຖານະການຄວາມຮຸນແຮງໃນວັນປ່ອນບັດໄດ້ຜ່ອນຄາຍໜ້ອຍລົງ,ຈຳນວນຜູ້ປະທ້ວງຢູ່ສະໜາມປົດປ່ອຍເລີແກໄດ້ຫຼຸດລົງຢ່າງຈະແຈ້ງ. ແຕ່ໃນວັນຈັດການເລືອກຕັ້ງ, ທໍ່ສົ່ງອາຍແກັສທຳມະຊາດຈາກເກາະຊິນນາຂອງເອຢິບຮອດອິສຣາແອນໄດ້ເກີດການລະເບີດ2ເທື່ອ,ນັກວິເຄາະເຫັນວ່າ,ເຫດການດັ່ງກ່າວໄດ້ສ່ອງແສງໃຫ້ເຫັນສະຖານະການໃນເອຢິບທີ່ບໍ່ມີຄວາມໝັ້ນຄົງ.
1 2 
