ວັນທີ 28 ພະຈິກນີ້, ຢູ່ແຂວງຊ່ານຊີ, ຜູ້ຮັບຜິດຊອບທີ່ກ່ຽວຂ້ອງຂອງກະຊວງອຸດສາຫະກຳແລະຂໍ້ມູນຂ່າວສານຈີນກ່າວວ່າ, ຈີນຈະພະຍາຍາມສ້າງບ່ອນທົດລອງນຳໃຊ້ຂີ້ເຫຍື້ອເປັນກ້ອນຂອງອຸດສາຫະກຳງວດທຳອິດໃຫ້ສຳເລັດຈຳນວນ 12 ແຫ່ງ ພາຍໃນ 3 ຫາ 5 ປີຕໍ່ໜ້າ, ແລະຈະປຸກລະດົມໃຫ້ມີການນຳໃຊ້ຢ່າງກວ້າງຂວາງໃນຂອບເຂດທົ່ວປະເທດ, ເພື່ອບັນລຸຈຸດປະສົງນຳໃຊ້ຊັບພະຍາກອນເສດເຫຼືອແລະການອະນຸລັກສິ່ງແວດລ້ອມ.
ອີງຕາມແຜນການພັດທະນາເສດຖະກິດ-ສັງຄົມ 5 ປີ ຄັ້ງທີ 12,ແຕ່ປີ 2010 ຮອດປີ 2015, ອັດຕານຳໃຊ້ຂີ້ເຫຍື້ອເປັນກ້ອນຂອງອຸດສາຫະກຳຂອງຈີນຕ້ອງບັນລຸ 72%.
ຕົ້ນປີນີ້, ຈີນໄດ້ເລີ່ມສ້າງບ່ອນທົດລອງນຳໃຊ້ຂີ້ເຫຍື້ອເປັນກ້ອນຂອງອຸດສາຫະກຳຢູ່ 12 ເຂດຂອງນະຄອນເຊິງເຕີແຂວງເຮີເປີຍ, ນະຄອນຊໍ້ໂຈ່ວຂອງແຂວງຊ່ານຊີເປັນຕົ້ນ, ຕົ້ນຕໍແມ່ນນຳໃຊ້ຝຸ່ນຖ່ານຫີນ, ເສດຂີ້ເຫຍື້ອໃນການຫຼໍ່ຫຼອມແລະຂີ້ເຫຍື້ອເປັນກ້ອນຂອງອຸດສາຫະກຳອື່ນໆ.
