ຈີນຈະຊຸກຍູ້ໃຫ້ຂະແໜງການຊີວະພາບກາຍເປັນເສົາຄ້ຳຂອງເສດຖະກິດແຫ່ງຊາດ
(GMT+08:00) 2011-11-29 16:28:04 cri
ວັນທີ 28 ພະຈິກນີ້, ກະຊວງວິທະຍາສາດແລະເຕັກໂນໂລຢີຈີນປະກາດແຜນການ, ໂດຍຊີ້ອອກວ່າ, ຮອດປີ 2015, ຈີນຈະຊຸກຍູ້ໃຫ້ຂະແໜງການຊີວະພາບກາຍເປັນຂະແໜງການທີ່ເປັນເສົາຄ້ຳຂອງເສດຖະກິດແຫ່ງຊາດ.
ຂ່າວແຈ້ງວ່າ, ຈີນຈະສ້າງກົນໄກລົງທຶນທີ່ມີຫຼາຍຊ່ອງທາງ, ຊຸກຍູ້ໃຫ້ຂະແໜງການຢາຊີວະພາບ, ກະສິກຳຊີວະພາບ, ພະລັງງານຊີວະພາບ, ການອະນຸລັກສິ່ງແວດລ້ອມຊີວະພາບແລະຂະແໜງການອື່ນໆຈະເລີນຂຶ້ນຢ່າງວ່ອງໄວ. ໃນ 5 ປີຕໍ່ໜ້ານີ້, ອັດຕາການເຕີບໂຕຂອງຂະແໜງການຊີວະພາບຈີນໃຫ້ມີ 15% ຂຶ້ນໄປ.
ປະຈຸບັນ, ອັດຕາການເຕີບໂຕປະຈຳປີຂອງຂະແໜງການຊີວະພາບທົ່ວໂລກແມ່ນສູງກວ່າ 30%, ໄດ້ກາຍເປັນຂົງເຂດເສດຖະກິດທີ່ເຕີບໂຕໄວກວ່າໝູ່. ປີ 2010 ຜ່ານມາ, ຍອດມູນຄ່າການຜະລິດຂອງຂະແໜງການຊີວະພາບຈີນບັນລຸຫຼາຍກວ່າ 1500 ຕື້ຢວນ.
