ປີ 2015, ຍອດມູນຄ່າດ້ານການຄ້າການບໍລິການຂາເຂົ້າຂາອອກຂອງຈີນຈະບັນລຸ 600 ຕື້ໂດລາ
(GMT+08:00) 2011-11-29 16:30:47 cri
ວັນທີ 28 ພະຈິກນີ້, ກະຊວງການຄ້າຈີນປະກາດແຜນການສະບັບໜຶ່ງ, ໂດຍຊີ້ອອກວ່າ, ປີ 2015, ຍອດມູນຄ່າດ້ານການຄ້າການບໍລິການຂາເຂົ້າຂາອອກຂອງຈີນຈະບັນລຸເຖິງ 600 ຕື້ໂດລາ.
ຜູ້ຮັບຜິດຊອບກະຊວງການຄ້າຈີນກ່າວວ່າ, ໃນ 5 ປີຕໍ່ໜ້ານີ້, ຈັງຫວະການເຕີບໂຕສະເລ່ຍຕໍ່ປີຂອງຍອດມູນຄ່າດ້ານການຄ້າການບໍລິການຂາເຂົ້າຂາອອກຂອງຈີນຈະສູງກວ່າ 11%. ເປັນການສ້າງເວທີການຄ້າສາກົນໃຫ້ວິສາຫະກິດພາຍໃນແລະຕ່າງປະເທດ, ນັບແຕ່ປີໜ້າເປັນຕົ້ນໄປ, ກະຊວງການຄ້າຈີນຈະຈັດງານການຄ້າການບໍລິການສາກົນຈີນຢູ່ປັກກິ່ງໃນທຸກໆປີ.
ໃນ 5 ປີທີ່ຜ່ານມາ, ຍອດມູນຄ່າການຄ້າດ້ານການບໍລິການຂາເຂົ້າຂາອອກຈີນຈາກເມື່ອກ່ອນບໍ່ຮອດ 200 ຕື້ໂດລາໄດ້ເພີ່ມຂຶ້ນຮອດ 360 ຕື້ໂດລາ, ເພີ່ມຂຶ້ນເຖິງ 89%.
