ວັນທີ 28 ພະຈິກນີ້, ທ່ານນາບິວ ເອວ-ອາຣາບີ ເລຂາທິການໃຫຍ່ສັນນິບາດອາລັບ ຫຼື AL ຮຽກຮ້ອງອີກເທື່ອໜຶ່ງຕໍ່ຊີຣີໃຫ້ເຊັນສັນຍາກ່ຽວກັບການສົ່ງຄະນະຜູ່ສັງເກດການເຂົ້າໄປໃນຊີຣີ, ແລະກ່າວວ່າການເຊັນສັນຍາດັ່ງກ່າວຈະເຮັດໃຫ້ຊີຣີໄດ້ຮັບໂອກາດໃນການແກ້ໄຂວິກິດການພາຍໃນຂອບເຂດອາລັບ.
ວັນທີ 28 ພະຈິກນີ້, ເນື້ອໃນຈົດໝາຍທີ່ທ່ານອາຣາບີສົ່ງເຖິງທ່ານວາລິດ ອານ ມົວເລມ ລັດຖະມົນຕີວ່າການກະຊວງການຕ່າງປະເທດຊີຣີຂຽນວ່າ, ການເຊັນສັນຍາສະບັບນີ້ຈະເຮັດໃຫ້ສັນນິບາດອາລັບທົບທວນແລະພິຈາລະນາມາດຕະການໃນການລົງໂທດທາງເສດຖະກິດຕໍ່ລັດຖະບານຊີຣີ ທີ່ກອງປະຊຸມລັດຖະມົນຕີການຕ່າງປະເທດສັນນິບາດອາລັບໄດ້ຕົກລົງໃນວັນທີ 27 ພະຈິກນີ້, ເພາະວ່າການລົງໂທດເຫຼົ່ານີ້ຈະສ້າງຜົນສະທ້ອນໃນທາງລົບຕໍ່ຫຼາຍປະເທດ ເຊິ່ງລວມທັງລີບັງ.
ມື້ດຽວກັນ, ພັກເຮັສໂບລາຂອງລີບັງອອກຖະແຫຼງການຊີ້ອອກວ່າ, ສັນນິບາດອາລັບຕົກລົງລົງໂທດຊີຣີທາງເສດຖະກິດແມ່ນເລື່ອງທີ່ອັນຕະລາຍທີ່ສຸດ, ເປັນການຝ່າຝືນຕໍ່ຫຼັກການທີ່ອາລັບຈັດຕັ້ງເຄື່ອນໄຫວແລະປະຕິບັດຮ່ວມກັນ, ແລະທັງເປັນການຝ່າຝືນກົດໝາຍ ແລະ ຂໍ້ກຳນົດທີ່ກ່ຽວຂ້ອງຂອງສັນນິບາດອາລັບ.
