ວັນທີ 28 ພະຈິກນີ້, ບໍລິສັດຟິດຈ໌ເຣັດຕິງ(Fitch Ratings) ເຊິ່ງເປັນອົງການປະເມີນລະດັບສາກົນໄດ້ປ່ຽນແປງການເບິ່ງອະນາຄົດຕໍ່ໜີ້ສິນສາທາລະນະຂອງອາເມລິກາເປັນ"ທາງລົບ". ບໍລິສັດນີ້ໄດ້ເຕືອນໃຫ້ຮູ້ວ່າ, ຖ້າສະພາອາເມລິກາຫາກຕົກລົງແຜນການຫຼຸດຂຸມການເງິນດ້ານການຄ້າທີ່ບໍ່ມີຜົນ, ຟິດຈ໌ກໍ່ຈະປ່ຽນແປງລະດັບຄວາມໜ້າເຊື່ອຖືຕໍ່ໜີ້ສາທາລະນະຂອງອາເມລິກາທີ່ຢູ່ໃນລະດັບAAAໃຫ້ຕ່ຳລົງໃນປີ2013.
ມື້ດຽວກັນ, ບໍລິສັດດັ່ງກ່າວໄດ້ແຈ້ງວ່າຈະຮັກສາການປະເມີນລະດັບຄວາມໜ້າເຊື່ອຖືຕໍ່ໜີ້ສາທາລະນະໄລຍະຍາວຂອງອາເມລິກາໄວ້ຢູ່ໃນລະດັບAAA, ແຕ່ຈະມີການປ່ຽນແປງການເບິ່ງອານາຄົດທາງດ້ານໜີ້ສາທາລະນະຂອງອາເມລິກາຈາກ"ໝັ້ນທ່ຽງ"ເຖິງ"ທາງລົບ", ສາເຫດຕົ້ນຕໍແມ່ນ"ຊູເປີຄະນະກຳມະການ"ຂອງສະພາອາເມລິກາບໍ່ໄດ້ມີຄວາມເປັນເອກະສັນກັນຕໍ່ແຜນການຫຼຸດຂຸມການເງິນດ້ານການຄ້າທີ່ເປັນ 1200 ຕື້ໂດລາ,ຄວາມໝັ້ນໃຈຂອງຟິດຈ໌ເຣັດຕິງຕໍ່ອາເມລິກາໃນດ້ານປະຕິບັດມາດຕະການການເງິນຮັບມືກັບບັນຫາການເງິນສາທາລະນະຢ່າງທັນການ ແລະ ຮັບປະກັນການປະເມີນຄວາມໜ້າເຊື່ອຖືຕໍ່ໜີ້ສາທາລະນະໃນລະດັບAAAຂອງອາເມລິການັ້ນພວມຫຼຸດຕ່ຳລົງ".
ປັດຈຸບັນ, ການປະເມີນລະດັບຄວາມໜ້າເຊື່ອຖືທາງດ້ານໜີ້ສາທາລະນະຂອງອາເມລິກາຂອງບໍສິສັດສະແຕນດາດແອນພົວສ໌(Standard & Poor's Rating Services)ແມ່ນAA+, ການເບິ່ງອະນາຄົດແມ່ນ"ທາງລົບ",ສ່ວນການປະເມີນລະດັບຂອງບໍລິສັດມູດີ(Moody's Corporation)ແມ່ນAAA, ການເບິ່ງອະນາຄົດກໍ່ແມ່ນເບິ່ງໄປໃນ"ທາງລົບ".
