ວັນທີ 29 ພະຈິກນີ້, ກົມຖະແຫຼງຂ່າວຂອງກະຊວງປ້ອງກັນປະເທດຈີນແຈ້ງໃຫ້ຮູ້ວ່າ, ຫຼັງຈາກກຳປັ່ນບັນທຸກເຮືອບິນຂອງຈີນສຳເລັດການທົດລອງເດີນເຮືອເປັນເທື່ອທຳອິດໃນເດືອນສິງຫາປີນີ້ແລ້ວ,ອີງຕາມແຜນການໄດ້ກັບຄືນເຂົ້າສູ່ໂຮງງານເພື່ອສືບຕໍ່ໃນການສ້ອມແປງ ແລະ ວັດແທກ, ປັດຈຸບັນການສ້ອມແປງໄດ້ສຳເລັດແລ້ວ, ແລະວັນທີ 29 ພະຈິກນີ້ໄດ້ເດີນເຮືອອີກເທື່ອໜຶ່ງເພື່ອດຳເນີນການທົດລອງຄົ້ນຄວ້າທາງວິທະຍາສາດທີ່ກ່ຽວຂ້ອງ.
ໃນລະດູຮ້ອນປີນີ້, ຈີນໄດ້ດັດແປງກຳປັ່ນບັນທຸກເຮືອບິນລຳເກົ່າທີ່ມີຊື່ເດີມວ່າ"ຫວາລຽງເກີ",ໃຫ້ກາຍເປັນກຳປັ່ນດຳເນີນການທົດລອງ ແລະ ການເຝິກຊ້ອມລຳໜຶ່ງຂອງກອງທັບເຮືອຈີນ. ຜູ່ຊ່ຽວຊານທາງດ້ານອາວຸດຍຸດໂທປະກອນທາງທະຫານຂອງຈີນເຫັນວ່າ, ຈີນມີກຳປັ່ນບັນທຸກເຮືອບິນແມ່ນເພື່ອຮັກສາສິດແລະຜົນປະໂຫຍດເທິງທະເລຂອງຕົນ.
