ຕາມຂ່າວCRI: ໃນມໍ່ໆມານີ້, ນະຄອນຫຼວງປັກກິ່ງໄດ້ປະກາດແຜນການພັດທະນາຂອງຂະແໜງການການເງິນສະບັບໜຶ່ງ, ສະເໜີວ່າໃນໄລຍະ"ແຜນການພັດທະນາເສດຖະກິດສັງຄົມ5ປີຄັ້ງທີ12"ຂອບຕົວເມືອງສູນການເງິນທີ່ມີບົດບາດສາກົນຂອງນະຄອນຫຼວງປັກກິ່ງຈະເປັນຮູບເປັນຮ່າງຂຶ້ນໃນຂັ້ນພື້ນຖານ.
ອີງຕາມແຜນການ, ຮອດໄລຍະສຸດທ້າຍຂອງ"ແຜນການພັດທະນາ5ປີຄັ້ງທີ12", ນະຄອນຫຼວງປັກກິ່ງຈະພະຍາຍາມສ້າງຕະຫຼາດຊື້ຂາຍລະດັບພັນຕື້ຢວນແລະລະດັບຮ້ອຍຕື້ຢວນປະມານ1ຫາ2ແຫ່ງ. ແຕ່ລະປີຈະຈັດກິດຈະກຳການເງິນສາກົນ10ກວ່າຄັ້ງ, ນີ້ໄດ້ກາຍເປັນຂໍ້ສຳຄັນຂອງຕາໜ່າງການເງິນສາກົນທົ່ວໂລກ. ບໍລິສັດສ້າງຂຶ້ນໃໝ່ທີ່ຂາຍບັດຫຸ້ນສ່ວນພາຍໃນຫຼືຢູ່ຕ່າງປະເທດຫຼາຍກວ່າ150 ກວ່າແຫ່ງ, ມີບໍລິສັດໃຫ້ເງິນກູ້ຢືມຈຳນວນໜ້ອຍ80ກວ່າແຫ່ງ, ອັດຕາການລະດົມທຶນໂດຍກົງຕ່ຳກວ່າ60%ມາໂດຍຕະຫຼອດ, ມູນຄ່າເພີ່ມຂອງຂະແໜງການການເງິນໄດ້ກວມຍອດມູນຄ່າການຜະລິດພາກພື້ນປະມານ14%.
ໃນໄລຍະ"ແຜນການພັດທະນາເສດຖະກິດສັງຄົມ5ປີຄັ້ງທີ12", ນະຄອນຫຼວງປັກກິ່ງຍັງຈະເລັ່ງລັດການກໍ່ສ້າງສູນການປະດິດສ້າງໃໝ່ທາງດ້ານການເງິນເຕັກໂນໂລຊີແຫ່ງຊາດ, ຄົ້ນຄວ້າການຈຳໜ່າຍກອງທຶນການລົງທຶນທີ່ມອບໝາຍໃຫ້ພາກສ່ວນອື່ນຂອງຂະແໜງການອະສັງຫາລິມະຊັບ, ສ້າງກົນໄກການປະກອບທຶນໄລຍະຍາວຂອງການສ້າງເຮືອນຮັບປະກັນ, ປຸກລະດົມໃນການປະກັນໄພການຄ້າແລະການສ້າງລະບົບການປະກັນສັງຄົມຫຼາຍລະດັບແລະອື່ນໆ.
