ລັດຖະບານຈີນຍິນດີສືບຕໍ່ສະໜອງການຊ່ວຍເຫຼືອມະນຸດສະທຳໃນການກູ້ມິນ
(GMT+08:00) 2011-11-30 17:05:44 cri
ວັນທີ 29 ພະຈິກນີ້, ກອງປະຊຸມປະເທດພາຄີ "ສົນທິສັນຍາອັດຕາວາ" ກ່ຽວກັບການຫ້າມນຳໃຊ້ລະເບີດຄັ້ງທີ 11 ໄດ້ຈັດຂຶ້ນຢູ່ນະຄອນຫຼວງພະນົມເປັນຂອງກຳປູເຈຍ, ຄະນະຜູ້ແທນນັກສັງເກດການຂອງຈີນເຂົ້າຮ່ວມກອງປະຊຸມແລະກ່າວຄຳປາໄສ.
ທ່ານຄ່າງຢົງ, ຫົວໜ້າຄະນະຜູ້ແທນຈີນ, ຮອງຫົວໜ້າກົມຄວບຄຸມການທະຫານຂອງກະຊວງການຕ່າງປະເທດຈີນໄດ້ກ່າວຄຳປາໄສໃນກອງປະຊຸມວ່າ, ນັບແຕ່ປີ 1998 ເປັນຕົ້ນມາ, ໂດຍຜ່ານການບໍລິຈາກເງິນ, ອົບຮົມພະນັກງານ, ຊ່ວຍເຫຼືອອຸປະກອນ, ຊີ້ນຳການເກັບກູ້ລະເບີດບໍ່ທັນແຕກໂດຍກົງແລະຮູບການອື່ນໆ, ລັດຖະບານຈີນໄດ້ໃຫ້ການຊ່ວຍເຫຼືອໃນການເກັບກູ້ລະເບີດບໍ່ທັນແຕກທີ່ທີ່ມີມູນຄ່າເກືອບ 60 ລ້ານຢວນໃຫ້ແກ່ປະມານ 40 ປະເທດໃນອາຊີ, ອາຝຼິກາແລະອາເມລິກາລາຕິນ, ໄດ້ຈັດຕັ້ງການຝຶກອົບຮົມທາງດ້ານເຕັກນິກໃນການເກັບກູ້ໃຫ້ພະນັກງານຜູ້ເຮັດວຽກງານເກັບກູ້ເຖິງ 400 ກວ່າຄົນ, ຊີ້ນຳການກູ້ມິນ 2 ແສນກວ່າຕາແມັດ. ນັບແຕ່ປີນີ້ເປັນຕົ້ນມາ, ລັດຖະບານຈີນຍັງໄດ້ໃຫ້ການຊ່ວຍເຫຼືອຕໍ່ຜູ້ບາດເຈັບຍ້ອນມິນອຸປະຕິເຫດຈາກລະເບີດບໍ່ທັນແຕກຢູ່ລາວ, ເປຣູແລະເອທີໂອປີ. ທ່ານຄ່າງຢົງກ່າວວ່າ, ຈີນຍິນດີສືບຕໍ່ເພີ່ມທະວີການແລກປ່ຽນກັບບັນດາປະເທດທີ່ເຄີຍໄດ້ຮັບການຊ່ວຍເຫຼືອ, ປະເທດພາຄີຂອງສົນທິສັນຍາ, ອົງການຈັດຕັ້ງສາກົນແລະອົງການທີ່ບໍ່ສັງກັດລັດຖະບານທີ່ກ່ຽວຂ້ອງ, ຕັ້ງໜ້າດຳເນີນການຮ່ວມມືທາງດ້ານມະນຸດສະທຳ, ຊຸກຍູ້ຂະບວນການຫ້າມການນຳໃຊ້ລະເບີດສາກົນ.
ກອງປະຊຸມເທື່ອນີ້ຈັດຂຶ້ນຢູ່ນະຄອນຫຼວງພະນົມເປັນຂອງກຳປູເຈຍໃນວັນທີ 27 ພະຈິກນີ້, ຈະອັດລົງໃນວັນທີ 2 ທັນວານີ້.
