ຜູ້ບໍລິຫານລະດັບສູງຂອງວິສາຫະກິດເຂັ້ມແຂງ 500 ແຫ່ງໃນໂລກເຕົ້າໂຮມກັນຢູ່ເຂດກວາງຊີ, ຊອກຫາໂອກາດທຸລະກິດໃໝ່ຂອງເຂດການຄ້າເສລີຈີນອາຊຽນ
(GMT+08:00) 2011-11-30 17:13:21 cri
ຕາມຂ່າວສານຈີນ: "ກິດຈະກຳບໍລິສັດຂ້າມຊາດຫຼືວິສາຫະກິດທີ່ເຂັ້ມແຂງ 500 ແຫ່ງໃນໂລກທ່ຽວເຂດກວາງຊີຄັ້ງທຳອິດ" ໄດ້ເລີ່ມຈັດຂຶ້ນຢູ່ເຂດກວາງຊີໃນວັນທີ 29 ພະຈິກນີ້, ຜູ້ບໍລິຫານລະດັບສູງແຕ່ຂັ້ນຮອງຜູ້ອຳນວຍການຂຶ້ນໄປຈາກວິສາຫະກິດທີ່ເຂັ້ມແຂງ 500 ແຫ່ງໃນໂລກແລະຜູ້ແທນອົງການຊຸກຍູ້ການລົງທຶນຈາກພາຍໃນແລະຕ່າງປະເທດໄດ້ເຕົ້າໂຮມກັນຢູ່ນະຄອນນານນິງ, ເທດສະບານເຂດປົກຄອງຕົນເອງເຜົ່າຈ້ວງກວາງຊີ ຈີນ, ເພື່ອຮ່ວມກັນຊອກຫາໂອກາດທາງດ້ານທຸລະກິດໃໝ່ໃນການພັດທະນາຂອງເຂດການຄ້າເສລີຈີນອາຊຽນ.
ກິດຈະກຳດັ່ງກ່າວແມ່ນຈັດໂດຍກະຊວງການຄ້າຈີນແລະອົງການປົກຄອງເຂດປົກຄອງຕົນເອງເຜົ່າຈ້ວງກວາງຊີ, ມີຈຸດປະສົງເພື່ອສ້າງເວທີໃຫ້ເຂດກວາງຊີສົນທະນາກັບວິສາຫະກິດຂ້າມຊາດທີ່ມີຊື່ສຽງໃນທົ່ວໂລກ, ເຊັ່ນ: ວິສາຫະກິດທີ່ເຂັ້ມແຂງ 500 ແຫ່ງໃນໂລກເປັນຕົ້ນ, ດຶງດູດການລົງທຶນຈາກເຂົາເຈົ້າເຂົ້າໃນໂຄງການຂະແໜງການລະດັບສູງຢູ່ເຂດກວາງຊີໂດຍຜ່ານການເຊັນສັນຍາຮ່ວມມືໂຄງການໃຫຍ່.
