ຕອນຄ່ຳວັນທີ 29 ພະຈິກນີ້, ການເລືອກຕັ້ງສະພາປະຊາຊົນເອຢິບໄດ້ສິ້ນສຸດການປ່ອນບັດໄລຍະທີໜຶ່ງ, ນີ້ແມ່ນການເລືອກຕັ້ງສະພາເທື່ອທຳອິດໃນເອຢິບພາຍຫຼັງທີ່ທ່ານໂຮສນີ ມູບາຣັກ ອະດີດປະທານາທິບໍດີພົ້ນຈາກຕຳແໜ່ງ.ຜົນສະຖິຕິຈາກສື່ມວນຊົນເອຢິບສະແດງໃຫ້ເຫັນວ່າ, ອັດຕາປ່ອນບັດໄລຍະທີໜຶ່ງສູງກວ່າ 70%, ພ້ອມກັນນັ້ນ, ປະກົດການສໍ້ໂກງການເລືອກຕັ້ງ ແລະ ການກໍ່ຄວາມວຸ້ນວາຍໃນສະຖານທີ່ປ່ອນບັດນັ້ນໄດ້ມີໜ້ອຍທີ່ສຸດ.
ມື້ດຽວກັນ, ທ່ານບານກີມູນ ເລຂາທິການໃຫຍ່ສະຫະປະຊາຊາດໄດ້ອອກຖະແຫຼງການໂດຍຜ່ານໂຄສົກປະຈຳສະຫະປະຊາຊາດ, ສະແດງຄວາມຍ້ອງຍໍຊົມເຊີຍຕໍ່ຄວາມຕັດສິນໃຈທີ່ຊຸກຍູ້ການປະຕິຮູບປະຊາທິປະໄຕແຫ່ງຊາດຂອງປະຊາຊົນເຢອິບບັນລຸຜົນເປັນຈິງ, ແລະຍ້ອງຍໍເອຢິບທີ່ໄດ້ປະກອບສ່ວນເຂົ້າໃນການຫັນປ່ຽນຮູບແບບປະຊາທິປະໄຕຂະໜາດໃຫຍ່ຢູ່ຕາເວັນອອກກາງ ແລະ ອາຟຼິກາເໜືອ.
