ຕາມຂ່າວສານຊິນຮວາ, ວັນທີ30ພະຈິກແລ້ວນີ້, ທ່ານເກີງເຢ້ນເຊີ່ງ, ໂຄສົກກະຊວງປ້ອງກັນປະເທດຈີນກ່າວວ່າ, ທ່ານມາຊ່ຽວທ່ຽນ, ຮອງເສນາທິການ ກອງທັບປົດປ່ອຍປະຊາຊົນຈີນແລະທ່ານມີເຊວ ຟຼູນອຍ, ລັດຖະມົນຕີຊ່ວຍວ່າການກະຊວງປ້ອງກັນປະເທດອາເມລິກາຈະເປັນປະທານຮ່ວມໃນກອງປະຊຸມປຶກສາຫາລືວຽກງານປ້ອງກັນຊາດລະຫວ່າງກະຊວງປ້ອງກັນປະເທດຈີນແລະອາເມລິກາຄັ້ງທີ12ທີ່ຈະຈັດຂຶ້ນໃນວັນທີ7ທັນວານີ້ຢູ່ນະຄອນຫລວງປັກກິ່ງ.
ສ່ວນການສົນທະນາປຶກສາຫາລືວຽກງານປ້ອງກັນຊາດແລະຄວາມໝັ້ນຄົງຈີນ-ອາຊຽນຄັ້ງທີ2ຈະຈັດຂຶ້ນແຕ່ວັນທີ11ຫາວັນທີ14ທັນວານີ້ຢູ່ນະຄອນຫລວງປັກກິ່ງ. ຫົວຂໍ້ຂອງການສົນທະນາຄັ້ງນີ້ແມ່ນ "ຈີນແລະອາຊຽນ: ຄວາມໝັ້ນຄົງ, ຄວາມໄວ້ເນື້ອເຊື່ອໃຈເຊິ່ງກັນແລະກັນແລະການຮ່ວມມື".ການສົນທະນາຄັ້ງນີ້ຈະມີຜູ້ຕາງໜ້າທີ່ມາຈາກຂົງເຂດວຽກງານປ້ອງກັນຊາດແລະອົງການຄົ້ນຄວ້າວຽກງານປ້ອງກັນຊາດຂອງຈີນແລະປະເທດອາຊຽນ, ພ້ອມດ້ວຍຜູ້ຕາງໜ້າຈາກກອງເລຂາອາຊຽນເຂົ້າຮ່ວມ.
