ວັນທີ30ພະຈິກແລ້ວນີ້, ທ່ານ ຣາມີນ ເມມານປາຣັສ, ໂຄສົກກະຊວງການຕ່າງປະເທດອີຣານໄດ້ອອກຖະແຫລງການວ່າ, ລັດຖະບານອັງກິດຂັບໄລ່ເຈົ້າໜ້າທີ່ການທູດອີຣານທັງໝົດ,ແລະປິດສະຖານທູດອີຣານປະຈໍາອັງກິດແມ່ນການກະທໍາທີ່ຫຍໍ້ທໍ້, ແລະບໍ່ໄດ້ພິຈາລະນາຢ່າງຮອບຄອບ,ອີຣານຈະຕອບໂຕ້ຄືນຢ່າງ ແນ່ນອນ. ທ່ານກ່າວວ່າ, ລັດຖະບານອັງ ກິດ ມີໜ້າທີ່ຮັບ ຜິດຊອບປ້ອງກັນຄວາມປອດໄພດ້ານຊັບສິນຂອງສະຖານທູດອີຣານປະຈໍາອັງກິດ.
ກ່ອນໜ້ານີ້1ວັນ, ຢູ່ນະຄອນຫລວງເຕເຮຣານຂອງອີຣານ, ມີນັກສຶກສາແລະປະຊາຊົນຫລາຍພັນຄົນບຸກເຂົ້າສະຖານທູດອັງກິດປະຈໍາອີຣານ,ແລະສໍານັກ ງານ ການທູດຂອງອັງກິດອີກແຫ່ງໜຶ່ງ, ໄດ້ທໍາລາຍເຄື່ອງຂອງແລະ ຈູດ ໄຟ ເຜົາທຸງ ຊາດອັງ ກິດ. ສໍາ ລັບເລື່ອງນີ້, ທ່ານວີລຽມ ຮາເກີ, ລັດ ຖະມົນຕີວ່າ ການກະ ຊວງການຕ່າງປະເທດອັງ ກິດກ່າວໃນວັນທີ30ພະ ຈິກແລ້ວນີ້ວ່າ, ອັງ ກິດຮຽກຮ້ອງໃຫ້ເຈົ້າໜ້າທີ່ການທູດອີ ຣານປະຈໍາອັງກິດທັງໝົດອອກຈາກອັງກິດພາຍໃນ48ຊົ່ວໂມງ, ແລະປິດສະຖານທູດອີຣານປະຈໍາອັງກິດ ໃນທັນທີ,ແຕ່ການຕັດ ສິນໃຈນີ້ບໍ່ ແມ່ນຢຸດຕິການພົວພັນທາງການທູດລະຫວ່າງສອງປະເທດ. ປະ ຈຸບັນ, ອັງ ກິດໄດ້ປິດສະຖານທູດອີຣານປະຈໍາອັງກິດ, ແລະ ຖອນເຈົ້າໜ້າທີ່ການທູດທັງໝົດອອກ.
ໃນວັນທີ30ພະຈິກແລ້ວນີ້, ກະຊວງການຕ່າງປະເທດຂອງເຢຍລະມັນ, ຝະຣັ່ງແລະໂຮນລັງໄດ້ອອກຖະແຫລງການແລະແຈ້ງການ, ຮຽກເອກອັກຄະລັດ ຖະ ທູດຂອງຕົນປະຈໍາອີຣານກັບຄືນປະເທດ, ເພື່ອປະທ້ວງ ຕໍ່ເລື່ອງທີ່ປະ ຊາ ຊົນອີ ຣານ ບຸກເຂົ້າສະ ຖານທູດອັງກິດປະຈໍາອີຣານ.
