ຂ່າວສານຊີຣຽນອາຣັບລາຍງານວ່າ, ວັນທີ30ພະຈິກແລ້ວນີ້, ລັດຖະບານຊີຣີໄດ້ປ່ອຍໂຕຜູ້ເດີນຂະບວນປະທ້ວງຕໍ່ຕ້ານລັດຖະບານ912ຄົນແລ້ວ.
ອີງຕາມມາດຕະການລົງໂທດຂອງສັນນິບາດອາລັບທີ່ມີຕໍ່ຊີຣີ, ໃນມື້ດຽວກັນ, ບໍລິສັດການບິນຫລາຍແຫ່ງຂອງສະຫະລັດອາລັບເອມີເລດໄດ້ຢຸດຕິຖ້ຽວບິນທີ່ບິນໄປຊີຣີເປັນການຊົ່ວຄາວ.
ວັນທີ29ພະຈິກແລ້ວນີ້, ທ່ານນາບິວ ເອວອາຣາບີ, ເລຂາທິການໃຫຍ່ສັນນິບາດອາລັບກ່າວວ່າ, ທ່ານຍິນດີເຈລະຈາກັບທ່ານວາລິດ ອັນ ມູອາເລມ, ລັດຖະມົນຕີວ່າການກະຊວງການຕ່າງປະເທດຊີຣີໃນທຸກເວລາ, ແລະກ່າວວ່າສັນນິບາດອາລັບໄດ້ກຽມພ້ອມຢຸດຕິການລົງໂທດຕໍ່ຊີຣີໃນທັນທີພາຍຫລັງຊີຣີລົງນາມໃນສັນຍາທີ່ອະນຸຍາດໃຫ້ສັນນິບາດອາລັບສົ່ງຄະນະຜູ້ສັງເກດການເຂົ້າໄປໃນຊີຣີ.
