ຕາມຂ່າວCRI:, ພາຍຫຼັງທະນາຄານກາງ6ແຫ່ງໃນທົ່ວໂລກປະກາດໃນວັນທີ30ພະຈິກນີ້ ວ່າ ຈະປະຕິບັດການກະທຳໂດຍປະສານງານກັນ, ສະໜອງສະພາບຄ່ອງເພື່ອສະໜັບສະໜູນລະບົບການທະນາຄານແລ້ວ, ນາງຄຼິສຕີນ ລາກາດຜູ້ອຳນວຍການໃຫຍ່ຂອງອົງການກອງທຶນເງິນຕາສາກົນ ທີ່ກຳລັງ ຢ້ຽມຢາມແມັກຊິກໄດ້ກ່າວສະແດງຄວາມຍິນດີຕໍ່ເລື່ອງນີ້.
ວັນທີ30ພະຈິກແລ້ວນີ້, ຄະນະກຳມະການຄັງສຳຮອງສະຫະພັນອາເມລິກາຫຼືUSFRB ອອກຖະແຫຼງການວ່າ, USFRBຕັດສິນໃຈວ່າຈະປະຕິບັດການກະທຳໂດຍປະສານງານກັບທະນາຄານການາດາ, ທະນາຄານອັງກິດ, ທະນາຄານຍີ່ປຸ່ນ, ທະນາຄານສູນກາງເອີລົບແລະທະນາຄານແຫ່ງຊາດສະວິສ, ສະໜອງສະພາບຄ່ອງແກ່ຕະຫຼາດ, ເພື່ອສະໜັບ ສະໜູນລະ ບົບການເງິນທົ່ວໂລກ.
ໃນມື້ດຽວກັນນາງລາກາດກ່າວວ່າ, ການປະຕິບັດການກະທຳຮ່ວມກັນ ລະຫວ່າງທະນາ ຄານກາງຂອງປະເທດຕ່າງໆໄດ້ສ້າງໂອກາດອັນເໝາະສົມ, ຈະມີຜົນປະໂຫຍດໃນທັນທີ, ຕະຫຼາດຈະມີທິດທາງດີຂຶ້ນ. ນາງລາກາດກ່າວເນັ້ນວ່າ, ອົງການກອງທຶນເງິນຕາສາກົນຊົມເຊີຍຕໍ່ມາດຕະການທີ່ສາມາດແກ້ໄຂວິກິດການ ຈາກຂັ້ນພື້ນຖານແລະມາດຕະການທີ່ມີຜົນດີໃນການຟື້ນຟູຄວາມໝັ້ນໃຈຂອງຕະຫຼາດທັງໝົດ.
