ທ່າອ່ຽງໂດຍລວມຂອງພະຍາດເອດໃນຈີນດີຂຶ້ນ ຈີນແມ່ນປະເທດທີ່ມີການແຜ່ ລະບາດຕ່ຳ
(GMT+08:00) 2011-12-01 17:11:49 cri
ຕາມຂ່າວCRI: ໃນຂະນະທີ່ວັນຕ້ານເອດຄັ້ງທີ24ໃກ້ຈະມາຮອດນີ້, ທ່ານເຊີນຈູລັດຖະມົນຕີວ່າການກະຊວງສາທາລະນະສຸກຈີນກ່າວໃນເວລາໃຫ້ສຳພາດ ຕໍ່ນັກ ຂ່າວວ່າ, ສະພາບໂດຍລວມຂອງພະຍາດເອດໃນຈີນມີທ່າອ່ຽງທີ່ດີ. ຖ້າເບິ່ງຈາກທົ່ວໂລກ, ຈຳນວນຄົນທີ່ເປັນພະຍາດເອດແລະຄົນເຈັບທີ່ຕິດເຊື້ອໃນຈີນໄດ້ກວມ2%ຂອງທົ່ວໂລກ, ຈີນຍັງແມ່ນປະເທດທີ່ແຜ່ລະບາດພະຍາດເອດຕ່ຳ.
ທ່ານເຊີນຈູກ່າວວ່າ, ໃນປີມໍ່ໆມານີ້, ຄ່າໃຊ້ຈ່າຍລາຍສະເພາະເພື່ອປ້ອງກັນແລະປິ່ນປົວພະຍາດເອດຂອງການເງິນສູນກາງຈີນໄດ້ເພີ່ມຂຶ້ນຫຼາຍກວ່າແຕ່ກ່ອນ, ໃນປີ2011ນີ້ໄດ້ເພີ່ມຂຶ້ນຮອດ2ຕື້2ຮ້ອຍລ້ານຢວນ, ງົບປະມານທ້ອງຖິ່ນກໍ່ໄດ້ຮັບການສະໜັບສະໜູນດ້ານການເງິນເທື່ອລະກ້າວ.
ທ່ານເຊີນຈູກ່າວວ່າ, ໃນໄລຍະ"ແຜນການພັດທະນະເສດຖະກິດສັງຄົມ5ປີຄັ້ງ ທີ12", ເປົ້າໝາຍຂອງວຽກງານປ້ອງກັນແລະປິ່ນປົວພະຍາດເອດຂອງຈີນແມ່ນຫຼຸດລົງອັດຕາການແຜ່ລະບາດພະຍາດເອດໃໝ່, ຫຼຸດລົງອັດຕາເສຍຊີວິດ ຂອງຜູ້ເປັນພະຍາດເອດ, ຫຼຸດຜ່ອນການລັງກຽດຕໍ່ຜູ້ເປັນເອດໃນສັງຄົມ, ຍົກສູງຄຸນນະພາບຊີວິດການເປັນຢູ່ຂອງຜູ້ເປັນພະຍາດເອດແລະຜູ້ຕິດເຊື້ອ, ຮອດປີ 2015ຈະຄວບຄຸມຈຳນວນຄົນຂອງຜູ້ຕິດເຊື້ອບໍ່ຫຼາຍກວ່າ1 ລ້ານ2ແສນຄົນ.
