ສານຟິລິບປິນອອກຄຳສັ່ງໃຫ້ສົ່ງທ່ານນາງອາໂລໂຢ, ອະດີດປະທານາທິບໍດີຟິລິບປິນໄປກັກຕົວຢູ່ໂຮງໝໍລັດຖະບານ
(GMT+08:00) 2011-12-01 17:09:14 cri
ຕາມຂ່າວສານຈີນ: ວັນທີ 1 ທັນວານີ້, ສານທ້ອງຖິ່ນຂອງນະຄອນພາຊາຍເຂດເມໂຕຼ ມານີລາ ນະຄອນຫຼວງຟິລິບປິນອອກຄຳສັ່ງ, ຮຽກຮ້ອງໃຫ້ສົ່ງທ່ານນາງໂກຼເລຍ ອາໂລໂຢ, ອະດີດປະທານາທິບໍດີຟິລິບປິນອອກຈາກໂຮງໝໍເອກະຊົນໄປກັກຕົວຢູ່ໂຮງໝໍລັດຖະບານພາຍໃນ 5 ມື້.
ວັນທີ 18 ພະຈິກຜ່ານມາ, ທ່ານນາງໂອໂລໂຢ ຊຶ່ງປີນີ້ມີອາຍຸ 64 ປີຍ້ອນຖືກກ່າວຟ້ອງໂທດຖານ "ສໍ້ໂກງການເລືອກຕັ້ງ", ຖືກຕຳຫຼວດຈັບຕົວ, ແລະຖືກກັກຕົວຢູ່ຫ້ອງນອນຄົນເຈັບພິເສດສຳລັບປະທານາທິບໍດີໃນສູນປິ່ນປົວເຊັນ ລູຄ໌ຂອງຊຶ່ງເປັນໂຮງໝໍເອກະຊົນ. ຫວ່າງມໍ່ໆນີ້, ທະນາຍຄວາມຂອງທ່ານນາງອາໂຣໂຢຮຽກຮ້ອງໃຫ້ຜູ້ພິພາກສາອະນຸຍາດໃຫ້ກັກຕົວນາງຢູ່ເຮືອນຂອງນາງເອງ, ເຈົ້າໜ້າທີ່ໄອຍະການຂອງລັດຖະບານໄດ້ຢືນຢັນໃຫ້ສົ່ງນາງໄປຫ້ອງກັກຂັງຂອງລັດຖະບານ. ຕອນເຊົ້າວັນທີ 1 ທັນວານີ້, ສານທ້ອງຖິ່ນຂອງນະຄອນພາຊາຍໄດ້ຈັດຕັ້ງງານຟັງຄຳໃຫ້ການຕື່ມອີກ, ທ່ານຈີເຊິສ ມູພັສ, ຜູ້ພິພາກສາຂອງສານດັ່ງກ່າວອອກຄຳສັ່ງຢ່າງເປັນທາງການ, ໃຫ້ສົ່ງທ່ານນາງອາໂລໂຢໄປປິ່ນປົວຢູ່ "ສູນປິ່ນປົວລະລຶກທະຫານພົ້ນກະສຽນ" ທີ່ເປັນຂອງລັດຖະບານ.
