ຈີນຈະທົດລອງປະຕິບັດລະບອບເກັບຄາໄຟຟ້າໃນລາຄາທີ່ແຕກຕ່າງກັນຕໍ່ປະຊາຊົນ
(GMT+08:00) 2011-12-01 17:17:09 cri
ວັນທີ 30 ພະຈິກແລ້ວນີ້, ຢູ່ທີ່ປັກກິ່ງ, ຄະນະກຳມະການພັດທະນາແລະປະຕິຮູບແຫ່ງລັດຈີນກ່າວວ່າ, ຈະທົດລອງປະຕິບັດລະບອບເກັບຄ່າໄຟຟ້າໃນລາຄາທີ່ແຕກຕ່າງກັນຕໍ່ປະຊາຊົນ.
ລາຄາຄ່າໄຟຟ້າໃນຄົວເຮືອນຂອງປະຊາຊົນທີ່ຄືກັນໝົດໃນປະຈຸບັນ, ຈະປ່ຽນເປັນເກັບຄ່າໄຟຟ້າໃນລາຄາທີ່ແຕກຕ່າງກັນຕາມຈຳນວນທີ່ຊົມໃຊ້ໄຟຟ້າທີ່ຕ່າງກັນ, ລາຄາໄຟຟ້າເພີ່ມຂຶ້ນຕາມການເພີ່ມຂຶ້ນຂອງຈຳນວນທີ່ຊົມໃຊ້.
ໃນເວລາປະຕິບັດລະບອບເກັບລາຄາໄຟຟ້າຕ່າງກັນ, ຕໍ່ຜູ້ໄດ້ຮັບການຄ້ຳປະກັນຄ່າຄອງຊີບຕ່ຳສຸດໃນຕົວເມືອງແລະຊົນນະບົດ ແລະຜູ້ບໍ່ມີຄວາມສາມາດອອກແຮງງານ, ຜູ້ບໍ່ມີແຫຼ່ງທຶນເພື່ອດຳລົງຊີວິດ, ຄົມຊະຣາ, ຄົນພິການ, ເດັກນ້ອຍແລະຊາວຫນຸ່ມທີ່ອາຍຸຍັງບໍ່ເຕັມກະສຽນທີ່ບໍ່ມີຄົນລ້ຽງ ຫຼືມີຄົນລ້ຽງແຕ່ຄົນລ້ຽງບໍ່ມີຄວາມສາມາດ, ໂດຍອີງຕາມການພັດທະນາເສດຖະກິດສັງຄົມຂອງແຫ່ງຕ່າງໆ, ໃຫ້ກຳນົດຈຳນວນຫົວໜ່ວຍໄຟຟ້າທີ່ບໍ່ເກັບຄ່າໃນແຕ່ລະເດືອນໃຫ້ທຸກຄົນ, ເຮັດໃຫ້ປະຊາຊົນເຫຼົ່ານີ້ສາມາດຫຼຸດຄ່າໄຟຟ້າແຕ່ 60 ຫາ 90 ຢວນໃນປີໜຶ່ງ.
ປີ 2010 ຜ່ານມາ, ໄຟຟ້າທີ່ໃຊ້ໃນຊີວິດປະຈຳວັນຂອງປະຊາຊົນຈີນແມ່ນ 500 ຕື້ກວ່າກິໂລວັດໂມງ.
