ອາເມລິກາກ່າວເນັ້ນວ່າ, ການຕິດຕໍ່ພົວພັນລະຫວ່າງອາເມລິກາກັບມຽນມາບໍ່ພົວພັນເຖິງຈີນ
(GMT+08:00) 2011-12-01 17:19:50 cri
ຕາມຂ່າວສານຈີນ: ໂດຍແນໃສ່ຄວາມສົງໄສຕ່າງໆຕໍ່ທ່ານນາງຮິວລາລີ ຄຼິນຕັນ ລັດຖະມົນຕີວ່າການກະຊວງການຕ່າງປະເທດອາເມລິກາ ຢ້ຽມຢາມມຽນມາເປັນຄັ້ງປະຫວັດສາດ, ວັນທີ 30 ພະຈິກແລ້ວນີ້, ທ່ານມາຄ໌ ໂທເນີ, ຮອງໂຄສົກກະຊວງການຕ່າງປະເທດອາເມລິກາກ່າວຢ້ຳອີກເທື່ອໜຶ່ງໃນກອງປະຊຸມຂ່າວວ່າ, ອາເມລິກາຕິດຕໍ່ພົວພັນກັບມຽນມາບໍ່ແມ່ນແນໃສ່ຈີນ. ທ່ານກ່າວອີກວ່າ, ກ່ຽວກັບສະຖານະການໃນມຽນມາ, ອາເມລິກາໄດ້ປຶກສາຫາລືກັບຈີນມາໂດຍຕະຫຼອດ.
ກ່ຽວກັບບັນຫາທີ່ວ່າອາເມລິກາກັບມຽນມາເພີ່ມທະວີການຕິດຕໍ່ພົວພັນກັນນັ້ນຈະກະທົບເຖິງຜົນປະໂຫຍດຂອງຈີນຢູ່ເຂດນີ້ຫຼືບໍ່, ຫວ່າງມໍ່ໆນີ້, ທ່ານຮົງເຫຼີຍ, ໂຄສົກກະຊວງການຕ່າງປະເທດຈີນກ່າວວ່າ, ຈີນຍິນດີຕ້ອນຮັບມຽນມາກັບປະເທດຕາເວັນຕົກທີ່ກ່ຽວຂ້ອງເພີ່ມທະວີການຕິດຕໍ່ພົວພັນແລະປັບປຸງການພົວພັນກັນບົນພື້ນຖານເຄົາລົບນັບຖືເຊິ່ງກັນແລະກັນ, ຫວັງວ່າ, ນະໂຍບາຍແລະມາດຕະພານພາຍໃນແລະຕ່າງປະເທດຂອງລັດຖະບານມຽນມາມີຜົນດີຕໍ່ການຊຸກຍູ້ຄວາມໝັ້ນຄົງແລະການພັດທະນາຂອງມຽນມາ.
