ຜູ່ຊ່ຽວຊານກ່າວວ່າ,ການຄາດຄະເນຂອງອົງການIEAຕໍ່ປະລິມານການລະບາຍກາກບອນດີອອກຊິດຂອງຈີນແມ່ນບໍ່ແມ່ນຢຳ
(GMT+08:00) 2011-12-01 16:10:36 cri
ວັນທີ30ພະຈິກແລ້ວນີ້,ຜູ່ຊ່ຽວຊານດ້ານການປ່ຽນແປງຂອງດິນຟ້າອາກາດຂອງຈີນໄດ້ ກ່າວຕອບໂຕ້ບົດລາຍງານສະບັບໜຶ່ງທີ່ອົງການພະລັງງານສາກົນຫຼືອົງການIEAເຜີຍແຜ່ໃນຫວ່າງແລ້ວນີ້,ໂດຍກ່າວວ່າ,ການຄາດຄະເນຕໍ່"ປະລິມານລະບາຍກາກບອນດີອອກຊິດໃນປະຫວັດສາດ"ແລະ"ປະລິມານການລະບາຍກາກບອນດີອອກຊິດສະເລ່ຍຕໍ່ຫົວຄົນຂອງຈີນ"ໃນບົດລາຍງານສະບັບນີ້ແມ່ນບໍ່ມີຄວາມແມ່ນຢຳ.
ວັນທີ28ພະຈິກແລ້ວນີ້,ອົງການIEAເຜີຍແຜ່ບົດລາຍງານທີ່ພາດຫົວເລື່ອງວ່າ "ອະນາຄົດ ຂອງພະລັງງານໂລກປີ2011"ໂດຍກ່າວວ່າ,"ປະລິມານການລະບາຍກາກບອນດີອອກຊິດໃນປະຫວັດສາດ"ແລະ"ປະລິມານການລະບາຍກາກບອນດີອອກຊິດສະເລ່ຍຕໍ່ຫົວຄົນ" ຂອງຈີນຈະຫຼາຍກວ່າເອີຣົບໃນປີ2015ແລະໃກ້ກັບລະດັບຂອງອາເມລິກາ.
ກ່ຽວກັບເລື່ອງນີ້,ຜູ່ຊ່ຽວຊານບັນຫາດິນຟ້າອາກາດຂອງຈີນໄດ້ກ່າວຕອບໂຕ້ວ່າ,ອົງການ IEAບໍ່ໄດ້ຄາດຄະເນທ່ວງທ່າປ່ຽນແປງຂອງປະລິມານການລະບາຍກາກບອນດີອອກຊິດຂອງຈີນ,ຊຶ່ງມີຄວາມຈຳເປັນຕ້ອງໄດ້ພິຈາລະນາເຖິງປັດໄຈທີ່ຈີນຈະຫຼຸດການລະບາຍຢ່າງເປັນເຈົ້າການໃນອະນາຄົດນັ້ນຢ່າງເຕັມທີ່.ຜູ່ຊ່ຽວຊານຊີ້ອອກວ່າ,ໃນເວລາທຳການຄາດຄະເນ,ອົງການIEAຍັງຕ້ອງພິຈາລະນາເຖິງບັນຫາທີ່"ຍົກຍ້າຍການລະບາຍກາກບອນດີອອກຊິດ",ນັ້ນກໍຄື,ປະເທດທີ່ພັດທະນາແລ້ວຍົກຍ້າຍການລະບາຍກາກບອນດີອອກຊິດຂອງຕົນໄປສູ່ປະເທດທີ່ພວມພັດທະນາ ເປັນຕົ້ນແມ່ນການຍົກຍ້າຍເຂົ້າສູ່ປະເທດຈີນ.
