ຕາມຂ່າວສານຈີນ: ວັນທີ 30 ພະຈິກແລ້ວນີ້, ຢູ່ຫໍສະພາປະຊາຊົນແຫ່ງຊາດ,ທ່ານໂຈ່ວຢົງຄ່າງ ກຳມະການປະຈຳກົມການເມືອງສູນກາງພັກ, ເລຂາຄະນະກຳມະການກົດໝາຍ ແລະ ການເມືອງສູນກາງພັກກອມມູນິດຈີນໄດ້ພົບປະຄະນະກວດກາຂອງສູນກາງພັກປະຊາຊົນປະຕິວັດລາວທີ່ນຳພາໂດຍທ່ານສົມດີ ດວງດີ ກຳມະການສູນກາງພັກປະຊາຊົນປະຕິວັດລາວ, ລັດຖະມົນຕີວ່າການກະຊວງແຜນການ ແລະ ການລົງທຶນລາວ.
ໃນເວລາພົບປະກ່ອນອື່ນໝົດ, ທ່ານໂຈ່ວຢົງຄ່າງໄດ້ສະແດງຄວາມຊົມເຊີຍຕໍ່ລາວທີ່ສາມາດເອົາຊະນະໄພທຳມະຊາດໂດຍສະເພາະແມ່ນໄພນ້ຳຖ້ວມໄປດ້ວຍດີ,ການຜະລິດ ແລະ ຊີວິດການເປັນຢູ່ຂອງປະຊາຊົນໄດ້ຮັບການຟື້ນຟູເປັນປົກກະຕິ. ທ່ານໂຈ່ວຢົງຄ່າງກ່າວວ່າ, ໃນໄລຍະຢ້ຽມຢາມລາວປີນີ້, ຂ້າພະເຈົ້າໄດ້ຈັດງານສຳມະນາກັບເຈົ້າໜ້າທີ່ຈາກພັກແລະລັດຖະບານລາວ 50 ຄົນທີ່ເຄີຍທັດສະນະສຶກສາຢູ່ຈີນເປັນພິເສດ,ຮູ້ສຶກຢ່າງເລິກເຊິ່ງວ່າ,ນີ້ແມ່ນຮູບການທີ່ມີຜົນດີທີ່ສອງພັກແລກປ່ຽນບົດຮຽນ ແລະ ຍົກສູງຄວາມສາມາດໃນການກຳອຳນາດ,ແລະໄດ້ມີຄວາມຮັບຮູ້ຄືກັນກັບຜູ່ນຳລາວກ່ຽວກັບເພິ່ມຈຳນວນບຸກຄະລາກອນທີ່ມາຢ້ຽມຢາມຈີນໃຫ້ຫຼາຍຂຶ້ນ. ຝ່າຍຈີນຍິນດີແລກປ່ຽນບົດຮຽນໃນການແກ້ໄຂຄວາມທຸກຍາກແລະພັດທະນາຮ່ວມກັບຝ່າຍລາວ, ເພື່ອຊຸກຍູ້ໃຫ້ປະເທດຂອງໃຜລາວສາມາດຫຼຸດຜ່ອນຄວາມທຸກຍາກ, ປົວແປງຊີວິດການເປັນຢູ່ຂອງປະຊາຊົນໃຫ້ດີຂຶ້ນ ແລະ ບັນລຸຄວາມຮັ່ງມີຮ່ວມກັນ
ທ່ານສົມດີ ດວງດີກ່າວວ່າ, ຄວາມເວົ້າທີ່ສະໜິດສະໜົມແລະອົບອຸ່ນຂອງສະຫາຍໂຈ່ວຢົງຄ່າງ,ແມ່ນມີຜົນປະໂຫຍດຫຼາຍ. ຂ້າພະເຈົ້າມາຢ້ຽມຢາມຈີນເທື່ອນີ້,ໄດ້ໄປເຂດກວາງຊີ ແລະ ນະຄອນຫຼວງປັກກິ່ງລົງຢ້ຽມຢາມກວດກາໂຄງການແກ້ໄຂຄວາມທຸກຍາກແລະພັດທະນາ ພ້ອມທັງໂຄງການອົບຮົມເຕັກນິກກະສິກຳຈຳນວນໜຶ່ງ, ໄດ້ເຫັນຜົນສຳເລັດອັນໃຫຍ່ຫຼວງທີ່ຈີນໄດ້ຮັບໃນດ້ານກສຍສ້າງສາເສດຖະກິດ ແລະ ການແກ້ໄຂຄວາມທຸກຍາກ, ຮູ້ສຶກມີກຳລັງໃຈຫຼາຍຂຶ້ນ. ຝ່າຍລາວຍິນດີເພິ່ມທະວີການແລກປ່ຽນ ແລະ ການຮ່ວມມືລະຫວ່າງສອງພັກສອງລັດຕື່ມອີກ, ເປັນບ້ານໃກ້ເຮືອນຄຽງທີ່ດີ,ເພື່ອນມິດທີ່ດີ, ສະຫາຍທີ່ດີ ແລະ ໝູ່ຄູ່ທີ່ດີຕະຫຼອດໄປ.
