ຈີນສົ່ງດາວທຽມນຳທາງ"ເປີຍໂຕ"ໜ່ວຍທີ10ຂຶ້ນສູ່ອະວະກາດຢ່າງສຳເລັດຜົນ
(GMT+08:00) 2011-12-02 15:43:49 cri
ເວລາ5ໂມງ7ນາທີຂອງວັນທີ2ທັນວານີ້,ຢູ່ສູນສົ່ງດາວທຽມຊີຊ່າງ,ຈີນໄດ້ສົ່ງດາວທຽມນຳທາງ"ເປີຍໂຕ"ໜ່ວຍທີ10ດ້ວຍຈະຫຼວດສົ່ງຍານ"ສາງເຈີ່ງ3A"ເຂົ້າສູ່ວົງໂຄຈອນທີ່ກຳນົດໄວ້ລ່ວງໜ້າໄດ້ຢ່າງສຳເລັດຜົນ.
ປະຈຸບັນ,ການກໍ່ສ້າງລະບົບພື້ນຖານຂອງລະບົບດາວທຽມນຳທາງ"ເປີຍໂຕ"ໃນພາກພື້ນໄດ້ສຳເລັດຜົນແລ້ວ,ປະຈຸບັນພວມດຳເນີນການປະເມີນຜົນຕໍ່ການທົດລອງລະບົບຕ່າງໆຢ່າງຮອບດ້ານ,ຈະທົດລອງວຽກງານການບໍລິການໃຫ້ແກ່ຈີນແລະບາງເຂດແຄວ້ນທີ່ຢູ່ໃກ້ຄຽງກ່ອນທ້າຍປີນີ້ໃນດ້ານການຊອກທີ່ຕັ້ງດ້ວຍສັນຍານລັງສີຂອງແຫຼ່ງແຜ່ລັງສີຢ່າງຕໍ່ເນື່ອງ,ການນຳທາງແລະການລາຍງານເພື່ອແຈ້ງເວລາ,ເພື່ອຕອບສະໜອງຕາມຄວາມຕ້ອງການຂອງຂະແໜງການຄົມມະນາຄົມຂົນສົ່ງ,ການປະມົງ,ປ່າໄມ້,ອຸຕຸນິຍົມ,ໂທລະຄົມ,ຊົນລະປະທານ,ການວັດແທກແຕ້ມເປັນແຜນທີ່ພ້ອມດ້ວຍຄວາມຕ້ອງການດ້ານອື່ນໆຂອງມວນຊົນ.
ກ່ອນຫຼືຫຼັງປີ2020,ຈີນຈະສ້າງລະບົບດາວທຽມນຳທາງເປີຍໂຕທົ່ວໂລກທີ່ປະກອບດ້ວຍດາວທຽມ30ກວ່າໜ່ວຍໃຫ້ສຳເລັດ,ເພື່ອໃຫ້ການບໍລິການທີ່ປົກຄຸມທົ່ວໂລກໃນການຊອກທີ່ຕັ້ງ,ການນຳທາງແລະການລາຍງານເພື່ອແຈ້ງເວລາດ້ວຍຄວາມແມ່ນຢຳສູງແລະໜ້າເຊື່ອຖືທີ່ສຸດ.
